Принцот Џорџ слави прв роденден, а за подарок добива брат или сестра

Детали

четврток, 17 јули 2014

Уште само една недела до првиот роденден на малиот принц Џорџ, а во обложувалниците низ Велика Британија нестрпливо се чека официјална објава за втората бременост на војвотката од Кембриџ.

Веста дека Кејт Мидлтон е повторно трудна сè уште нема ниту потврден ниту одречен одговор, па затоа во Англија секојдневно сè повеќе се верува дека Џорџ ќе добие брат или сестра.

Поради тоа, коефициентите во обложувалниците буквалкно се вртоглаво луди, а многу странски весници, веќе почнале да тврдат дека Кејт е бремена.

Џесика Хеј, која ја потврди веста за првата бременост на Кејт, изјавила дека за некој месец  принцезата ќе излезе со официјална објава.

- Потесниот круг пријатели на Кејт постојано зборуваат за тоа. Слушнав од нив дека за некоја недела ќе признае во јавност. Се забележува и по некои надворешни знаци, нејзиното лице е пополно, розеникаво, како кога беше трудна со Џорџ. Се забележува дека дозволува да се види нејзината природна боја на коса, односно не се фарба затоа што е бремена. Исто така, кога е во јавност, постојано се труди рацете да ги мести околу стомакот, за да не ѝ се познава. - изјавила Џесика Хеј.

Можеби токму на роденденот на принцот како подарок ќе се соопшти уште една радосна вест дека наскоро може да добие брат или сестра.