Девојки, ова се најпосакуваните славни ергени

Детали

петок, 04 јули 2014

Ако барате маж, тогаш сигурно знаете дека најдобрите се главно, веќе зафатени. Но, има неколку примери меѓу славните кои покажуваат дека тоа не е баш секогаш вистина.

Овие момци не само што се секси и успешни, туку никако не ја наоѓаат вистинската со која би сакале да останат засекогаш. Магазинот „People“ направил листа на најпосакуваните ергени меѓу славните глумци и пејачи.

1. Џо Манганиело

Актерот од филмот „Тrue blood“ по потекло од Сицилија за себе вели дека е исклучително страсен и дека најмногу го привлекува  женскиот мирис. Не крие дека напорно работи на своето тело, а по улогата во филмот, славата значително му се зголемила, па многу девојки сега воздивнуваат по него.

2. Лијам Хемсворт

Можеби го знаете како поранешно момче или како брат на згодната русокоса која ја глуми Тора. Во секој случај, Лијам кој се прослави со филмовите од серијалот „Игра на гладот“, измамува воздишки каде и да се појави. Откако раскина со контраверзната пејачка, претставува вистински избор за многу девојки кои сакаат високи и мускулести момчиња.

3. Џаред Лето

Оваа година тој освои и Оскар, а покрај тоа што е фантастичен глумец, тој е и голема рок ѕвезда со неговиот бенд „30 Seconds to Mars“. Ако тоа не е доволно за да биде освоена секоја девојка, дополнителен плус се и неговите крупни сини очи, разбушавената коса и романтичниот изглед. Единствена жена која успеала да го доведе барем близу до олтарот е Камерон Дијаз, со која бил верен до 2002 година.

4. Иан Сомерхалдер

Ѕвездата на „Вампирски дневници“ се наоѓа на оваа листа благодарение на ледено сините очи, острата машка вилица и густите црни веѓи, како и мускулестото тело. Славата ја стекнал благодарение на улогата во серијата „Lost“. Интересно е тоа што тој нема завршено ниту средно училиште, бидејќи решил да оди во Европа и да се обиде како модел. Ужива во читањето, музиката, јогата и патувањата, така што идеален избор е за девојките кои сакаат помирни партнери.

5. Принцот Хари

Нескротливиот британски принц сè уште ја нема најдено својата вистинска принцеза. Познат по лудориите и забавите, често поврзуван со многу девојки, но ниедна не се покажала како достојна и соодветна за принцеза, а доволно забавна за да биде негова избраничка.