„Тајно ја зјапав, беше многу згодна“ – Тревис Баркер бил загреан за Ким, пред да се вљуби во сестра ѝ Кортни

Детали

петок, 18 април 2025

„Постојано скришно зјапав во Ким, не ми е гајле ако таа е гардероберка, многу е згодна. Уживав со Парис, ама обожавам девојки со облини и многу се дружевме откако раскинав со неа“ - сте знаеле ли за љубовниот триаголник на Ким, Кортни и Тревис Баркер? Или подобро наречено љубовна драма која ги вклучува и Парис Хилтон и бившата сопруга на Тревис. 

Во семејството Кардашијан, секогаш постои некаква драма, но дали сте знаеле дека сопругот на Кортни, во минатото имал симпатии за нејзината сестра, Ким?

Во раните 2000-ти години, долго пред да биде со Кортни и пред воопшто да ја знае, Тревис Баркер флертувал со Ким Кардашијан.

Во неговите мемоари „Can I Say: Living Large, Cheating Death, and Drums, Drums, Drums“, тој јавно го открива тоа, а пишува за една средба со Ким, која се случила додека тој бил во лабава врска со Парис Хилтон.

Во тој период, Ким работеше за Хилтон како нејзина гардероберка, а Баркер се присети на моментот кога двете девојки долетале до Амстердам за да го следат и поддржат на турнејата со неговиот бенд.

„Постојано скришно зјапав во Ким, не ми е гајле ако таа е гардероберка, многу е згодна“ – напишал тој во мемоарите, а истото го потврдил подоцна и во интервју за Us Weekly во 2015-та, велејќи:

„Како е можно да не зјапаш во Ким? Уживав со Парис, ама обожавам девојки со облини. Не бев во ниту еден случај непристоен и без почит кон Парис, но едноставно не можев да ги тргнам очите од Ким“.

Подоцна, тој стапи во брак со Шана Моаклер, но додека биле разделени, почнал повторно да контактира со Ким, во периодот кога нејзината секс снимка исплива во јавност, а тие сакаа да го лансираат нивното реално шоу.

Со оглед на тоа што тој бил дел од реално шоу, ѝ опишувал и раскажувал како изгледа да си постојано во кадар и секој дел од животот да ти биде прикажан на телевизија, а открива и дека многу се дружеле, како и дека таа била дел од кампањи за неговиот бренд. 

„Можеби ќе мислите дека сум ѝ ги правел најлошите работи на оваа девојка заради снимките, но баш напротив, со неа сакав да бидам само кавалер и ништо повеќе“ – напишал тој во мемоарите, опишувајќи го нивниот однос како сладок.

Сепак, иако флертувале, според него, тие двајца никогаш немале никаков физички однос, а исто така и Ким демантираше љубовна врска со него, кога во 2001 одговараше на прашања на Инстаграм и кажа дека е многу среќна за него и нејзината сестра Кортни.

Но, ако се прашува неговата бивша сопруга Шана, со која беше во брак од 2004 до 2008 и со која има две деца, таа не би се сложила со ова, бидејќи смета дека тој ја изневерил со Ким. 

„Си дадовме со Шана уште една шанса, но навистина сакав да ја видам Ким. Шана сфати што се случува. Истури пијалак врз неа на забава на Кармен Електра. Се чувствував ужасно. Ким и јас никогаш не сме се допреле. Едноставно не беше судено“ – пишува тој.

Прочитајте повеќе: Се степала со Парис Хилтон, ја мрази Кортни Кардашијан – која е поранешната сопруга на Тревис Баркер? (фото)

Години подоцна, од 2022-ра, Тревис е во среќен брак со сестрата на Ким, Кортни Кардашијан, со која имаа дури три свадбени церемонии.

Неодамна, се ширеа гласини дека двете сестри ги заладиле односите заради љубовниот триаголник со Тревис, но тој ги демантираше гласините и теориите кои фановите ги измислуваат.

„Ќе им дадеш на луѓето малку информации и веднаш мислат дека ја решиле мистеријата на ‘ова е причината заради која се расправаат’. Смешно е, престанете...“ – изјави тој во 2023.

М. М. | Црнобело