Фотографии и видеа кои ѕвездите не сакаа да завршат во јавност

Детали

недела, 16 март 2025

Во 2021 година, на Инстаграм профилот на Клои Кардашијан случајно беше споделена фотографија на која се гледа како навистина изгледа нејзиното тело. Иако Клои делува како да е во добра форма, таа се обидуваше целосно да ја тргне фотографијата од интернет.

Познатите личности вложуваат и пари и време во својот имиџ и начинот на којшто се претставуваат во јавност.

Од мејкап артисти и стилисти, до фотошопирани фотки, сакаат да имаат контрола над она што јавноста го гледа, чита и слуша за нив.

Па, некогаш доволна е само една фотка за да почнат да стравуваат за својата репутација.

Во повеќето случаи, овие фотки покажуват дека и тие се само луѓе.

Но, на славните не им е сеедно што светот видел и несовршена верзија од нив.

Неколку фотки што славните не сакаа да завршат во јавност:

Рита Ора

Неодамна Рита Ора сподели неколку фотки на Инстаграм објава, вклучувајќи и селфи со нејзина пријателка.

Веројатно пејачката не забележала дека на фотката фустанот ѝ се изместил, па ѝ се гледа едната града.

Подоцна пејачката ја избриша фотографијата.

Клои Кардашијан

Во 2021 година, еден од најголемите „скандали“ беше нефотошопираната фотка на Клои Кардашијан.

Фотографијата случајно беше споделена на Инстаграм профилот на Клои и веднаш беше избришана, а наводно ријалити ѕвездата работела напорно за целосно да ја тргне од интернет.

Ова, секако, е невозможно, но фановите пробуваа да ја утешат Клои со позитивни коментари.

Таа навистина изгледа одлично на фотографијата, но подоцна изјави дека не ѝ било сеедно.

„Како некој кој целиот живот има несигурности во врска со своето тело, не ми е лесно кога некој ќе ми направи фотографија во лошо светло…

Имам право да побарам фотографијата да не се споделува“.

Џенифер Анистон

Џенифер Анистон е позната по тоа што промовира здрав начин на живот, но има откриено дека се соочувала со еден порок – цигари.

Актерката тврдеше дека одамна ги откажала цигарите, кога нејзиниот поранешен сопруг Џастин Теру ја „издаде“.

Во 2022 година, за нејзиниот 55-ти роденден, Џастин сподели видео на Инстаграм Стори на кое се гледа како Џенифер пали цигара.

Веројатно актерката се налутила бидејќи видеото беше избришано речиси веднаш.

Бијонсе

Како Клои, и Бијонсе мислеше дека може засекогаш да избрише слика од интернет.

Во 2013 година, пејачката настапуваше на полувремето на Super Bowl, а од настанот беа објавени неколку фотки на кои навистина изгледа смешно.

Сепак, кога ќе се земе предвид дека се направени додека енергично танцува и пее, позите и не се некое изненадување.

И, можеби никој немаше ни да им обрне внимание на фотографиите доколку Бијонсе не најмеше цел тим адвокати и експерти со надеж дека ќе бидат отстранети од интернет.

За самиот настап, таа доби многу комплименти и нејзината изведба беше дури и повеќе споделувана на Твитер од самиот натпревар.

Ким Кардашијан

На почетокот од кариерата, Ким Кардашијан беше препознатлива по големиот задник и тогаш како да успеа да ги промени стандардите за убавина.

Сепак, додека на нејзините објави Ким изгледаше совршено, во 2017-та се појавија папарацо фотки на кои не е во најдобро издание.

На фотографиите, ријалити ѕвездата носи танга бикини и се гледа дека има малку целулит.

Кога беа објавени, Ким тврдеше дека папараците ги фотошопирале за да изгледаат толку лошо.

„Ги видов ужасните фотографии и сфатив дека луѓето ги фотошопираат. Тогаш не бев во топ форма и немав вежбано околу 12 недели, а имав и операција.

Но, и онака не се чувствував добро, па не ми требаше да ги видам и фотографиите“.

Погледнете и: Засрамувачки моменти кои славните личности би сакале да ги заборавиме (но не можеме)

Спирова С. | Црнобело