„Не се дрогирам, не се разведувам, среќен сум“: Џастин Бибер се огласи по бизарното видео, фановите не му веруваат

Детали

вторник, 25 февруари 2025

Џастин Бибер се огласи преку неговиот портпарол, изјавувајќи дека е преморен од гласините дека се дрогира или дека има проблеми со менталното здравје. Напротив, пејачот бил посреќен од кога било. Но, фановите се сомневаат дека ја кажува вистината.

Периодов однесувањето на Џастин Бибер сè повеќе ги загрижува фановите, а некои се сигурни и дека повторно користи дрога.

Кога и да се појави во јавност, Џастин делува преморено, а на видео од минатата недела се однесува дури и бизарно.

Притоа, извори блиски до него тврдат дека ни бракот со Хејли не е во најдобра состојба, па дури и дека другарките ја молат да го остави.

Загрижувачкото однесување на Џастин почна да привлекува внимание во периодот околу апсењето на Пи Диди.

Тогаш се појавија гласини дека и пејачот бил една од многуте жртви на раперот, па оттаму неговите проблеми со менталното здравје.

Иако Џастин има признаено дека се справувал со депресијата и анксиозноста користејќи дрога и алкохол, сега тврди дека фановите нема зошто да бидат загрижени за него.

За TMZ, неговиот портпарол ги негираше гласините дека пејачот е во лоша состојба, заедно со шпекулациите дека користи дрога.

Напротив, тој наводно бил во можеби најдобриот период од неговиот живот.

„Постојаните гласини дека Џастин користи дрога не се воопшто точни. Впрочем, тој е навистина среќен и задоволен од својот живот“.

Портпаролот додава и дека е целосно посветен на грижата за синот Џек што го доби со Хејли пред половина година.

Исто така, изминатата година била „година на трансформација“ за пејачот.

„Работи на нова музика, а стави и крај на неколку пријателства и бизнис конекции кои повеќе не му служат“.

На 30-годишниот пејач воопшто не му се допаѓале шпекулациите дека користи дрога и затоа решил дека е време да се огласи.

„Приоритет му се бракот, родителството и создавањето музика за којашто е страстен. Преморен е од гласините дека има проблеми со менталното и физичкото здравје.

Заморно е што и покрај очигледната вистина, луѓето ги одржуваат лошите гласини во живот“, истакнува изворот.

Погледнете и: „Се измачува со него уште откако се венчаа“: Другарките ја молат Хејли Бибер да го остави Џастин

На прашањето зошто изгледа лошо на сите понови папарацо фотки, портпаролот вели:

„Поради непроспиени ноќи и во неговото студио и поради тоа што се грижи за син му кој некогаш не може да заспие рано“, завршува изворот.

Џастин храбро проговори за битката со зависност од дрога во 2020 година, откривајќи дека првпат пробал марихуана на само 13-годишна возраст.

Тогаш тој почна и да се прославува, а вели дека транзицијата во светска ѕвезда била особено тешка.

Со славата дошла и зависност од потешки дроги, а на крај почнал да пие и многу алкохол.

Кога сфатил дека си го ризикува животот со деструктивното однесување, решил да стави крај на пороците.

„Моето обезбедување влегуваше во спалната соба да ми го провери пулсот. Луѓето не знаат колку сериозна ми беше зависноста.

Беше лудо, страшно. Наутро, веднаш откако ќе се разбудев, пиев апчиња, пушев марихуана, па дури потоа го почнував денот. Беше многу страшно“.

И Хејли има зборувано за проблемите на сопругот, откривајќи дека самиот пробувал да си ја лекува анксиозноста со седативи, марихуана и потешка дрога.

Пејачот вели дека во голема мера му помогнала и верата, како и неговата сопруга.

Во врска со новата изјава на Џастин преку портпаролот, не сите веруваат дека е вистинита.

„Метју Пери го кажуваше истото… Фановите се загрижени бидејќи Џастин воопшто не изгледа добро“.

„Татко ми воспита четири машки деца и работеше тешка физичка работа, а никогаш не изгледаше лошо како Џастин!“

„Не можам да кажам дали користи дрога или не, но дефинитивно не изгледа здраво“.

„Наместо да ја лажеш јавноста, подобро оди на рехабилитација, барем за твојот син“.

„Неговите очи кажуваат сè - нема да издржи долго ако не направи промена“.

Погледнете и: „Некој мора да му помогне“ - Фановите се загрижени за Џастин Бибер - си ги чеша нозете, се однесува бизарно (видео)

Спирова С. | Црнобело