Никол Кидман и уште 5 славни личности кои потекнуваат од богати семејства (и наследиле милиони)

Детали

сабота, 25 јануари 2025

Некои познати актери и музичари навистина почнале од нула и со малку среќа и многу труд, успеале да се претворат во некои од најуспешните луѓе на планетата.

Но, некои имале повеќе среќа и биле родени во (екстремно) богати семејства, а родителите многу им помогнале за да се пробијат во светот на шоу-бизнисот.

Секако, наследиле и солидна сума пари.

Дел од славните личности кои потекнуваат од богати семејства:

Парис Хилтон

Парис дефинитивно е најпознатата богата наследничка во светот, а и веројатно стана славна само затоа што е богата.

Нејзиниот дедо Конрад Хилтон е основач на луксузните хотели Хилтон и кога почина, неговото богатство се проценуваше на околу милијарда долари.

Парис, пак, од татко ѝ има наследено околу 100 милиони долари.

Никола Пелц

Никола Пелц се прослави благодарение на врската со Бруклин Бекам, но и фактот што исто како Парис е богата наследничка.

Нејзиниот татко е бизнисмен чие богатство се проценува на скоро 2 милијарди долари.

Руни Мара

Руни Мара е една од најскромните актерки и веројатно не би ни претпоставувале дека потекнува од богато семејство.

И нејзиниот татко и нејзината мајка потекнуваат од фудбалски династии, односно семејства кои поседуваат моќни фудбалски клубови.

Богатството на родителите на Руни се проценува на околу 3 милијарди долари.

Инаку, Руни е во брак со актерот Хоакин Феникс.

Едвард Нортон

Дедото на Едвард Нортон бил познат бизнисмен и активист, а некои сметаат дека тој го измисли концептот за модерните молови.

Не е познато колку пари имал, ниту колку наследил Едвард Нортон, но во 2004 година компанијата што ја основал беше продадена за 7 милијарди долари.

Брук Шилдс

И Брук Шилдс наследила солидна сума од родителите.

Односно, татко ѝ ѝ оставил околу 22 милиони долари кои ги добила уште во младоста.

Никол Кидман

Никол Кидман важи за една од најуспешните холивудски актерки, а и таа потекнува од богато семејство.

Таткото на актерката е биохемичар и клинички психолог, а професијата му донела солидна заработка.

Па, од родителите таа има добиено околу 60 милиони долари.

Спирова С. | Црнобело