Џеј Ло си ја отвори душата за разводот: „Бев среќна, а потоа цел свет ми експлодира“

Детали

четврток, 10 октомври 2024

„Токму тоа ми требаше. Фала ти Боже. Жал ми е што ми требаше толку долго време, требаше да си ја научам лекцијата уште првиот или вториот пат“ – вели Џеј Ло во новото интервју каде што отворено зборува за разделбата од Бен Афлек и признава дека нема да скокне во нова врска наскоро.

Џеј Ло (55) за првпат по разводот со Бен Афлек (52) си ја отвори душата и зборуваше отворено за лекциите што ги научила по 6-те свршувачки и 4-те брака.

Таа вели дека се чувствувала пресреќно по 9-тиот студиски албум и мислела дека сите соништа ѝ се оствариле.

„Ја завршив целата работа, и бев среќна, а потоа целиот мој свет ми експлодира“.

Таа зборуваше за емоциите што преовладувале во текот на ова лето, додека беше разделена од Бен Афлек, и додека сите таблоиди пишуваа за разводот што беше очигледен.

„Постоеја периоди кога сметав дека сè ми е јасно, па потоа животот ќе ми речеше:

‘Ајде да ти пратам уште една замка и да видам дали ќе паднеш во неа.

Да видам дали навистина си ја научила лекцијата’.

А јас ја немав научено.

Сега тоа ми е јасно, но не значи дека нема да направам пак грешки во иднина“ – искрено вели пејачката.

Самата признава дека ова лето сакала да биде сама за да си докаже дека може да биде сингл и да се чувствува комплетно.

Со оглед на тоа што Џеј Ло е позната по тоа што постојано скокаше од врска во врска и од свршувачка во свршувачка, признава дека чувството да биде сама ѝ е по малку непознато и чудно.

„Се чувствуваш осамено, како да си пред непознати и страшни работи.

Тажно е. Очајно е.

Но, кога ќе размислиш за тие емоции, сфаќаш дека тие нема да те убијат, туку дека си способен да најдеш задоволство и среќа и кога си сам.

Не треба да ме дефинира тоа што сум во врска со некого.

Не можам да ја барам среќата во други луѓе.

Мора да ја најдам среќата во себе.

Порано велев дека сум среќна, но постојано барав некој друг да ме исполни.

„Некој што вистински те сака, ќе ти помогне да ги пополниш тие празнини во себе.

Ете, тоа го научив за љубовта.

Правиш да се чувствувам сигурно и кога ќе згрешам некаде треба да ме разбереш и да ми помогнеш да станам подобра личност затоа што ти имаш свои граници, а јас имам свои граници.

Треба да се разговара за тоа што не ти се допаѓа кај мене и за она што мене не ми се допаѓа кај тебе.

Така стануваме подобри во тие работи заедно“ – вели Џеј Ло.

Ако нејзините обожаватели нетрпеливо очекуваат да видат кој ќе ѝ го даде следниот свршенички прстен и кој ќе го освои нејзиното срце, ќе треба малку да почекаат.

Џеј Ло вели дека конечно си ја научила лекцијата и планира подолго време да остане сингл.

Со други зборови, го прифатила советот што нејзиниот сопруг јавно ѝ го даде пред само неколку недели.

„Не значи дека тоа што се случи за малку немаше да ме уништи.

За малку ќе ме уништеше. Но, сега, од друга перспектива си мислам:

‘Токму тоа ми требаше. Фала ти Боже. Жал ми е што ми требаше толку долго време, требаше да си ја научам лекцијата уште првиот или вториот пат.

Јасно ми е. Мораше да ме треснеш силно по главата со чекан. Мораше цела куќа да ми фрлиш врз глава. Нема потреба пак да го правиш тоа!’

Конечно ми е јасно.

Сега сум возбудена, затоа што за првпат ќе бидам сама.

Да, не барам никој нов, затоа што по сè што направив во изминатите 25, 30 години и по сите предизвици со кои што се соочив, единствено што можам да направам е да продолжам сама“ – признава Џеј Ло.

Инаку, ова е првпат пејачката и актерка отворено да зборува за разделбата со Бен Афлек. Таа поднесе документи за развод на денот од годишнината од бракот, во август годинава.

Прочитајте и Сите знаци што укажуваа дека Бен Афлек и Џеј Ло се пред развод – низ фотографии

Б. С. Б. | Црнобело