Бен Афлек со нов имиџ и офарбана брада, Џеј Ло прави пауза од мажи: „Смачено ѝ е од разводи“

Детали

петок, 04 октомври 2024

Додека Бен Афлек се подмладува со офарбана брада, Џеј Ло одлучила да направи пауза од мажи, бидејќи по четвртиот развод, ѝ било „преку глава“ од драми.

Пред разводот, на скоро сите заеднички фотки со Џеј Ло, Бен Афлек изгледаше тажно и мизерно.

Откако се разделија, актерот изгледа како нов човек и успева да им се насмевне дури и на папараците за кои е познато дека не ги сака.

Сега, пак, актерот одлучил и да се подмлади.

Во четвртокот (03.10) Бен Афлек го покажа новиот имиџ.

На папарацо фотките, наместо лежерните аутифити што ги носи кога нема обврски, актерот е со кошула, панталони и чевли.

Покрај тоа, 52-годишниот актер ја офарбал и брадата.

Со него беше неговиот 15-годишен син Фин, кој го доби со Џенифер Гарнер.

Во меѓувреме, извори откриваат дека на Џеј Ло веќе ѝ било „преку глава“ од разводи.

Па, по четвртиот неуспешен брак, одлучила да направи пауза од мажи.

„Разводот имаше огромно влијание врз неа. Сега пробува да го преболи Бен и да започне ново поглавје“.

Изворот додава и дека Џеј Ло се променила многу по разделбата, а оваа промена ја забележувале сите околу неа.

„Одлучи малку да размисли за својот живот. Вели дека по четири разводи, време е да го направи тоа.

Па, подгответе се за нова Џеј Ло – навистина е подготвена за ново поглавје“.

Со разводот, на Џеј Ло ѝ се срушиле сите соништа и била многу повредена што вторпат ја изгубила љубовта на нејзиниот живот.

„Сепак, сака скршеното срце и болката да ги претвори во супермоќи.

Сака да преземе контрола и да направи промени во животот. И, кажа дека сака да паузира од мажи барем една година“.

Периодов Бен и Џеј Ло неколкупати заедно го посетија нивниот адвокат за разводи и наводно на средбите сè поминало во најдобар ред.

Односно, и двајцата очекувале мирно да го финализираат разводот.

Спирова С. | Црнобело