Деми Мур е убавица на 61 година – ги засени и трите ќерки со својот изглед на премиера

Детали

среда, 18 септември 2024

Деми Мур и на 61 година е вистинска убавица која зрачи со сексапил, шарм и харизма, а на последниот настан се појави заедно со трите ќерки, кои открија дека мама ги учи да се чувствуваат убаво и секси одвнатре.

Деми Мур има три прекрасни ќерки Скаут, Талула и Румер, кои ги доби во бракот со Брус Вилис.

Трите дами ја придружуваа нивната мајка на премиерата на нејзиниот нов филм „The Substance“.

Додека четирите грации позираат, многумина не можеа, а да не забележат, дека Деми, иако на почетокот на седмата деценија, изгледа прекрасно, па дури и засенува со својата убавина и сексапил.

Таа беше облечена во впечатлива, црвена тоалета со длабоко деколте, украсена со мозаик, креација на Oscar de la Renta, додека пак, трите сестри се одлучиле за еднобојни и покласични фустани.

На црвениот тепих тие блескаат една покрај друга, докажувајќи дека заедно се посилни и секоја е прекрасна на свој начин.

Девојките ја имаат наследено убавината и шармот од нивната мајка, но открија и дека таа ги учи на важни животни лекции. 

„Мислам дека мајка ми секогаш ни е пример за тоа како треба да се работи на тоа да се чувствуваш добро однатре.

Има многу луѓе кои се прекрасни однадвор, но се чувствуваат несигурно или внатрешно трпат болка.

Па, таа ни ја наметна таа внатрешна желба да се чувствуваме убаво, секси“ – изјавила Скаут Вилис (33) на премиерата.

Повеќе фотки од Деми Мур со ќерките на премиера:

М. М. | Црнобело