Бред Пит и Џорџ Клуни на вечера со саканите жени во Венеција – моќно пријателско дуо, без љубомората на Анџелина

Детали

понеделник, 02 септември 2024

Пријателското дуо Џорџ Клуни и Бред Пит се атракција во Венеција со секое нивно појавување, а викендов тие се дружеа на вечера заедно со понежните половини, Амал и Инес де Рамон - пријателите повторно блеснаа по долги години, откако во минатото Анџелина ги оддалечи. 

Викендов Бред Пит и Џорџ Клуни се во Венеција по повод премиера на нивниот заеднички филм Wolfs, a секое нивно појавување е моќно и проследено со папараци, фанови, автограми.

Откако Бред изненади кога пристигна во Венеција со неговата девојка Инес де Рамон, парот вечерта беше забележан на брод заедно со Џорџ и Амал Клуни.

Папарацо фотографите ги уловиле двата пара додека се упатуваат кон ресторан за заедничка вечера, сите дотерани и насмеани.

Изгледа најдобрите пријатели и колеги конечно имаат можност за безгрижни дружби во пар, со оглед на тоа што во минатото, наводно Анџелина ги оддалечи. 

Се верува дека на Џоли не ѝ се допаѓало вниманието што Амал го добива во јавноста, а постојат гласини дека била љубоморна затоа што таа ја засенува со нејзиниот публицитет. 

Филмското дуо, Клуни и Пит, во неделата ја имаше својата премиера на Филмскиот фестивал во Венеција, каде добија 4-минутни овации, а беа снимени како се прегрнуваат и танцуваат.

Тие имаа неколку појавувања во Венеција викендов, а на секое од нив беа главна атракција.

Погледнете повеќе фотки:

М. М. | Црнобело