Бред Пит дојде во Венеција со 26 години помладата девојка, избегната средба со Анџелина Џоли

Детали

недела, 01 септември 2024

Пит (60) во Венеција дојде со девојката Инес де Рамон (34), со која е во врска околу 2 години - актерот делува среќен и задоволно се смешка.

Бред Пит и Анџелина Џоли веќе неколку недели се главна тема во светските медиуми, откако беше најавено дека и едниот и другиот ќе ги промовираат своите нови филмови на фестивалот во Венеција.

И иако јавноста беше во исчекување на средбата меѓу сопружниците кои и по 8 години од разделбата не се разведени, сепак, Бред и Анџелина на се сретнаа.

Пит (60) во Венеција дојде со девојката Инес де Рамон (34), со која е во врска околу 2 години.

На фотографиите, актерот делува среќен и задоволно се смешка, па кога со Инес се качуваат во бротче (водно такси), тој ја придржува за раката, а во текот на возењето ја прегрнува.

Бред во Венеција го промовира својот нов филм Wolfs, во кој глуми покрај Џорџ Клуни.

Само 2 дена пред него, во Венеција беше Џоли, која дојде за премиерата на филмот Maria, посветен на оперската дива Марија Калас.

Според светските медиуми, организаторите на Филмскиот фестивал се помачиле да ги договорат Пит и Џоли да дојдат во Венеција.

И иако првично се шпекулираше дека нивните филмови ќе имаат премиера еден по друг, за да избегнат непријатности и несакани инциденти, тие наводно решиле Бред да пристигне во Венеција дури откако Џоли ќе си замине.

Прочитајте и Анџелина Џоли издоминира во Венеција, но загрижи со изгледот - преслаби раце и екстремно изразени вени

А. Ј. | Црнобело