Бредли Купер ја однесе Џиџи Хадид на одмор со мајка му и ќерка му: „Врската станува сериозна, децата ги зближија“

Детали

петок, 30 август 2024

Иако официјално уште не ја потврдиле врската, Бредли Купер и Џиџи Хадид постојано се заедно, а деновиве беа и на одмор со ќерката и мајката на актерот. Ова е првпат Џиџи да биде во друштво на детето на Бредли.

Речиси една година откако стана јасно дека се заедно, врската на Бредли Купер и Џиџи Хадид е навистина сериозна.

Постојно се заедно, а сега се чини дека во врската се вклучени и нивните деца.

Досега парот беше забележуван само во друштво на пријатели, но сега беа на одмор со ќерката на актерот – Леа.

Ова е првпат 29-годишната Џиџи да биде фотографирана со ќерката на дечко ѝ.

Тие беа на одмор на Сардинија каде што пристигнаа со приватен авион.

Џиџи и Бредли беа во лежерно издание, а актерот имаше и минијатурна пунџа на главата.

Малата Леа, пак, изгледаше преслатко во розово фустанче со цветови.

На среќниот пар му се придружи и мајката на Бредли Купер, која честопати му прави друштво на актерот не само на патувања, туку и на важни настани.

Џиџи Хадид го дели старателството со бившиот Зејн Малик, па веројатно затоа со неа не беше ќеркичката Каи.

За потсетување, првите гласини за Џиџи и Бредли се појавија на почетокот од октомври 2023-та, откако беа забележани како заедно излегуваат од ресторан во Њујорк.

Неколку дена подоцна, извори блиски до парот изјавија дека биле на викенд патување и иако се гледаат, сепак официјално не биле пар.

До крајот на 2023-та, беа забележани многупати, но сепак не ја потврдуваа врската. Изворите, пак, велеа дека Ирина Шајк била таа што ги запознала еден со друг.

На годинешните Златни глобуси, Бредли Купер присуствуваше со мајка му, но потоа го напушти настанот со Џиџи.

Парот суптилно ја потврди врската во Лондон, каде што шетаа фатени за рака. Оттогаш стана јасно дека се пар, иако ни Џиџи ни Бредли немаат изјавено ништо.

Во јули годинава, извори блиски до парот истакнаа дека нивната врска станува мошне сериозна.

Имено, на почетокот и двајцата не биле сигурни дека романсата ќе трае.

„И двајцата се навистина зафатени, но успеваат да најдат време еден за друг.

Не беа сигурни дали ова е нешто повеќе од кратка авантура, но врската станува мошне сериозна.

Се поддржуваат, а наоѓаат заеднички јазик бидејќи и двајцата се родители.

Успеаја да ја напраат врската приоритет, без разлика што имаат зафатени распореди“, откри извор пред околу еден месец.

Друг извор, пак, вели дека тие почнале да гледаат многу порано отколку што мисли јавноста, но успешно се криеле неколку месеци пред да бидат фотографирани заедно.

Повеќе фотки од Џиџи и Бредли на Сардинија:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело