Почина актерката Шенон Доерти, по долгата битка со рак

Детали

недела, 14 јули 2024

Шенон Доерти ја изгуби битката со ракот на дојка кој почнал да се проширува и на другите делови од телото. Актерката починала во саботата, а последните мигови ги поминала со семејството.

Шенон Доерти ја изгуби битката со ракот, а тажната вест ја потврди нејзиниот портпарол.

53-годишната актерка првпат беше дијагностицирана со рак на дојката во 2015 година, а потоа во 2020-та откри дека болеста се вратила.

„Со жалење потврдувам дека актерката Шенон Доерти почина. Во саботата, на 13-ти јули, таа ја изгуби битката со ракот, по многугодишна борба.

Посветената ќерка, сестра, тетка и пријателка беше опкружена со саканите, како и нејзиното куче.

Семејството моли за приватност во овој момент за да можат да тагуваат во мир“, изјави публицистот за магазинот People.

Шенон, која се прослави со серијата Beverly Hills, а потоа и Charmed, отворено зборуваше за битката со ракот.

Изминатава година беше особено тешка за неа бидејќи покрај болеста, таа минуваше и низ развод.

Спирова С. | Црнобело