Смешно или тренди: Карди Би мета на шеги поради огромна Chanel чанта која чини 12.000 долари (фото)

Детали

среда, 10 јули 2024

Карди Би беше во Дизниленд во Париз со семејството, а за пригодата носеше огромна Chanel чанта која изгледа дури и комично, a чини вртоглави 12.000 долари.

Провокативните и впечатливи аутфити не се новост за Карди Би, но веројатно ништо не привлекло внимание како огромната Chanel чанта што ја носеше во Дизниленд во Париз.

Во вторникот (09.07), пејачката беше во забавниот парк со партнерот Офсет и децата, по повод 6-иот роденден на ќерка им.

Карди носеше долг фустан со цветни мотиви, а аутфитот го дополнила со огромна сребрена чанта.

Чантата изгледа како моделите кои се доста популарни изминативе неколку години, единствено што е многу, многу голема и наликува на куфер.

Според Page Six, нејзината цена е вртоглави 12.000 долари.

Во коментари на социјалните мрежи, многумина се шегуваат на сметка на чантата.

А, бидејќи периодов постојат гласини дека Карди е бремена, некои се сигурни дека со чантата само го крие стомачето.

„Парите не купуваат вкус“.

„Ја носи огромната чанта само за да го скрие стомачето“.

„Сигурно од Chanel ѝ платиле за да ја носи чантата, зошто инаку би ја носела“

Ќерката на парот полни шест години денес, но според објавите на пејачката, семејството почнало со славење неколку дена претходно.

Најпрво Карди сподели фотки на Инстаграм Стори од приватен авион, а на една од фотографиите во преден план е и огромната чанта.

Во авионот, пак, доминира розовата боја.

Потоа дел од денот поминале во Париз, пред да одат во Дизниленд.

Спирова С. | Црнобело