Славни личности кои ја пронашле сродната душа по 40-тата година

Детали

сабота, 28 септември 2024

Многумина би рекле дека Холивуд е познат по раскинувања и кратки бракови, но овие љубовни приказни на познатите личности се доказ дека, сепак, макар и подоцна во животот, некои од славните парови ја пронаоѓаат љубовта.

На некои личности судено им е сродната душа да ја пронајдат во позрелите години, после 40-тите. Доказ за тоа се и овие славни холивудски парови, кои докажуваат дека љубовта не познава возраст.

Еве неколку љубовни приказни од Холивуд кои даваат надеж дека никогаш не е доцна за да се најде саканата личност:

Александра Грант и Кијану Ривс

Кијану Ривс првпат ја запознал својата девојка, Александра Грант, во 2011 година, кога работеле заедно за да ја објават книгата „Ode to Happiness“. Неколку години подоцна, во 2019 година, 55-годишниот Ривс ја одвел нивната врска на поромантична страна.

„Добрата вест за заљубувањето како возрасен, е тоа што изградив сопствена кариера до почетокот на мојата врска“ – изјавила Грант во 2023 година за магазинот People.

Џорџ и Амал Клуни

Кога почнале „љубовните искри“ со неговата сегашна сопруга, Амал Клуни, Џорџ имал 52 години. Парот се венча во 2014 година, а три години подоцна, на 6 јуни 2017 година тие ги добија своите близнаци, Александар и Ела.

Франсоа-Анри Пино и Салма Хајек

Салма Хајек го запознала својот партнер кога имала 40 години, во 2006 година. Во 2007 година тие објавија дека се вериле и дека го очекуваат своето прво заедничко дете. Две години подоцна, на Денот на вљубените, парот се венча.

Мајкл Даглас и Кетрин Зита-Џонс

Мајкл Даглас и Кетрин Зита-Џонс прв пат се запознале во 1998 година, кога 54-годишниот Даглас, во еден бар, со својот шарм се потрудил да ја освои 29-годишната Џонс. Парот кој се венча во 2000 година ги доби децата Дилан во 2000 година и Керис во 2003 година.

Џејмс Бролин и Барбара Стрејсенд

Џејмс Бролин и Барбара Стрејсенд се доказ дека состаноците на слепо навистина може да успеат. Кога прв пат се сретнале на состанок на слепо, во 1996 година, Стрејсенд имала 54, а Бролин 56 години. Две години подоцна, тие се венчаа.

Кортни Кардашијан и Тревис Баркер

Кортни Кардашијан и Тревис Баркер беа пријатели и соседи долго време пред да почнат да се забавуваат, во 2021 година. Тие се венчаа во 2022 година, а во 2023 година го добија нивниот син, Роки. Кортни ја започна врската со него на 42 години.

М. Ѓ. | Црнобело