„Изгледав како лик од ’Глуп и поглуп‘“ – Бекамови во истиот скандалозен аутфит од свадбата пред 25 години

Детали

четврток, 04 јули 2024

„Погледнете што најдовме“ – напишаа Дејвид и Викторија Бекам до фотката на која по повод 25-тата годишнина од бракот позираат во виолетовите аутфити од свадбата кои со години наназад беа предмет за потсмев.

Викторија и Дејвид Бекам прославуваат 25 години брак, а по тој повод објавија забавна фотографија на Инстаграм во која ги облекоа препознатливите виолетови изданија што ги носеа за време на свадбата во Ирска во 1999-та година.

Освен што Викторија го облече виолетовиот фустан, а Дејвид се појави во виолетовиот костум и чевли, парот на фотосесијата седеше и на истите тронови што беа поставени за време на нивниот прием за гости.

Наместо препознатливите честитки по повод годишнина, тие ставија само краток опис на објавата: „Погледнете што најдовме!“

Инаку, со ова Дејвид уште еднаш покажа дека е подготвен да направи сè за својата сопруга, па дури и да го облече костумот заради кој со години наназад беше предмет на потсмев.

За потсетување, Викторија и Дејвид за време на свадбата беа облечени во бело. Пејачката носеше венчаница од Вера Ванг, а фудбалерот бел костум.

Продолжува на следната страница...