Најголемата „машка спонзоруша“ во Холивуд: Зеде милиони од разводот, бившата му плаќаше месечен надомест

Детали

четврток, 25 април 2024

Американската пејачка Кели Кларксон секој месец му плаќаше на сопругот издршка во износ од 115.000 долари, му даде милиони по разводот, а тој ѝ одзема и половина имот. Како Брендон Блексток стана најпознатата „машка спонзоруша“ во Холивуд?

Познатата американска пејачка Кели Кларксон (42) веќе 4 години води правни битки со нејзиниот поранешен сопруг и менаџер Брендон Блексток.

Кели и Брендон беа заедно седум години и заедно добија две деца, ќерката Ривер Роуз (9) и синот Ремингтон Реми Александар (8).

Се запознаа во 2012-та година на Super Bowl кога Кели ја пееше националната химна, а Брендон присуствуваше како менаџер на Блејк Шелтон, кој исто така настапувал вечерта.

Кели велеше дека се вљубила на прв поглед во сопругот и тие двајца стапија во брак една година подоцна.

Навидум сè изгледаше во најдобар ред, сè до 2020-та година, кога по карантинот беше објавено дека пејачката поднела документи за развод, а како причина за разводот се наведувале ненадминливи разлики.

Во една пригода таа рече дека се чувствувала ограничено затоа што со нејзиниот сопруг заедно работеле и по цел ден го минувале заедно.

Пејачката се обиде да се повика на предбрачниот договор со цел да не му дозволи на поранешниот сопруг да земе дел од 45-те милиони што ги поседува, но безуспешно.

Парот две години не можеше да се договори околу деталите за разводот, а пејачката една година не можеше да го избрка поранешниот сопруг од нејзиниот ранч во Монтана.

Во август 2021-ва година Кели беше прогласена за легално сингл, а разводот беше финализиран во јануари 2022-ра година.

На пејачката ѝ беше наредено да му плати на поранешниот сопруг еднократно 1.3 милиони долари и требаше секој месец да му плаќа пари за издржување во износ од 115.000 долари секој месец до 2024-та година и за алиментација за децата во износ од 45.601 долар.

Во 2023-та година дојде до сосема неочекуван пресврт, кога Кели извојува победа на суд и на нејзиниот поранешен сопруг му беше наредено да ѝ плати отштета од над 2 милиони и 600 илјади долари затоа што како агент носел погрешни одлуки за нејзината кариера.

По ова Блексток поднесе контратужба, а Кели одлучи да побара повеќе пари од него.

Инаку, по разводот Кели и Брендон добија заедничко старателство над децата, но тие останаа да живеат со мајка им во Лос Анџелес, а еднаш месечно патуваат во Монтана да го видат татко им, кој сè уште живее на ранчот што го доби од пејачката.

Освен ранчот, тој по разводот ги задржа коњите, кучињата и другите животни на ранчот, додека пејачката ги задржа пијаното, како и други лични предмети поврзани со лов.

Б. С. Б. | Црнобело