Едвај ги издржува последните денови од 4-тата бременост – Хилари Даф без градник и отечена, чека да се породи

Детали

вторник, 23 април 2024

„Не ме прашувајте кога ќе се породам. Нема некој што повеќе го сака тоа од мене. Деновите се долги и непријатни“ – напиша Хилари Даф откако беше забележана во последните денови од 4-тата бременост.

Актерката Хилари Даф го очекува своето четврто дете, а трето со сопругот Метју Кома и во текот на изминатите месеци таа често објавуваше фотографии на кои се релаксира и го покажува трудничкиот стомак, а изгледа како да ужива во бременоста. 

Таа е мајка на ќерките Мае Џејмс и Бенкс Вајолет кои ги има со Метју, и на 12-годишниот син Лука Круз кој го доби со поранешниот сопруг Мајк Комри.

36-годишната актерка е отворена за своите бремености, а во 2021 објави емотивни и искрени фотографии од породувањето во домашни услови со третото дете.

Деновиве таа е забележана во последните денови од четвртата бременост, облечена во црни, широки панталони со тесна маица по прерамки без градник, но е далеку од изданието кое го прикажува на Инстаграм.

Изгледа дека актерката тешко ги поминува овие денови и едвај чека да се породи, па на фановите им напиша:

„Здраво пријатели, ова е кажано со љубезен тон, ви ветувам. Нема повеќе да одговарам на прашања во пораки за тоа кога ќе дојде бебето.

Знам дека сите проверувате од љубов и хумор, но верувајте ми... никој не го сака тоа повеќе од мене. Бебињата доаѓаат кога се подготвени.

Се обидувам да бидам трпелива. Деновите се долги и непријатни. Ви ветувам дека ќе ве известам“.

Претходно таа на Инстаграм Стори имаше објавено фотографиja од акупунктура, додека се опушта, а на шега напиша дека се обидува на бебето да му даде известување дека е време за напуштање на стомакот.

 М. М. | Црнобело