„Го загубив сопругот, но си ги зачував дијамантите“ - Емили Ратајковски си направи прстени за развод

Детали

среда, 20 март 2024

Наместо симбол на вечна љубов, сега прстените ќе значат дека таа засекогаш се разделила од сопругот. Емили Ратајковски најде начин како да ги „рециклира“ дијамантите од стариот свршенички прстен.

Моделот и модна дизајнерка Емили Ратајковски започнува нов тренд, а тоа е креирање на прстени за развод од свршеничкиот прстен што го добила од поранешниот сопруг.

Таа се разведе од сопругот Себастијан Беар Меклард во 2022-ра година, а повремено го носеше свршеничкиот прстен за време на снимањето на одредени кампањи.

Се проценува дека прстенот кој се состоеше од два дијаманти на жолто злато чинел околу 50.000 долари, а сега таа покажа дека дошла до идеја како да ги задржи скапоцените камења, но да им го промени значењето.

Наместо симбол на вечна љубов, сега прстените ќе значат дека таа засекогаш се разделила од сопругот, за кого имаше гласини дека ја изневерувал и дека тоа била главната причина за развод.

Емрата на фотографиите објавени на Инстаграм покажа дека двата дијаманти сега ги носи на два различни прста.

„Прстените ја прикажуваат мојата лична еволуција. Не верувам дека жената треба да ги загуби дијамантите затоа што го загубила мажот“ – рече Емили во ексклузивно интервју за Vogue.

Дизајнерите што ги креирале прстените во истата статија нагласуваат дека од дијамантот во форма на круша направиле прстен наменет за малиот прст, додека од другиот дијамант направиле уште еден прстен, но додале уште два трапезоидни дијаманти за прстенот да изгледа поголемо.

„Веќе не ми се допаѓаше оригиналниот дизајн на прстенот затоа што досега го копираа многупати. Сега ги сакам прстените толку многу што не ги вадам ниту за спиење“ – вели Емили Ратајковски.

Таа потенцира дека идејата за прстени за развод ја добила додека читала еден есеј на Стефани Данлер, насловен The Unravelers, каде се зборува за прстенот на бабата на авторката, кој бил изработен од различни камења од нејзините бракови.

„Ми се допаѓаше идејата прстенот да ги прикажува големиот број животи што една жена ги проживеала“ – изјави Емили.

Погледнете уште неколку фотки од прстените за развод на Емили:

Прочитајте и Елена Стефановска со 5 дијаманти, Меган Фокс прстен со бизарен детаљ: Најуникатните свршенички прстени

Б. С. Б. | Црнобело