Девојката одговорна за пиштолот на Алек Болдвин е осудена за убиство: „Не покажа знаци на каење“

Детали

четврток, 07 март 2024

Таа не покажа никаква реакција кога ѝ беше изречена казната, но мајка ѝ со солзи ја дочека одлуката на судијата со која асистентката на филмот Rust, која му го дала пиштолот на Алек Болдвин, е прогласена виновна за убиството на кинематографката Халина Хачинс.

Хана Гутиерез Рид, асистентката на филмскиот сет на филмот Rust е обвинета за убиство од невнимание, по инцидентот кога актерот Алек Болдвин со пиштол ја усмрти кинематографката Алина Хачинс.

Алек Болдвин ќе се најде на суд за истиот случај во јули годинава, па засега не се знае каков би можел да биде исходот од рочиштето.

Според информациите објавени во светските медиуми, асистентката Хана е обвинета затоа што од невнимание дозволила во пиштолот да се најде вистински куршум со којшто актерот Алек Болдвин ненамерно ја застрелал и ја усмртил кинематографката Халина Хачинс.

Таа беше ослободена од обвинението дека се обидела да манипулира со доказниот материјал.

„Хана Гутиерез Рид, која е ќерка на почитуваниот оружар Тел Рид, се соочува со затворска казна од 18 месеци.

Таа не покажа никаква емоција за време на изрекувањето на пресудата, но членови на нејзиното семејство плачеа додека седеа зад неа“ – пренесува Daily Mail.

За време на судењето, Хана ги обвинила сите освен себеси. Според нејзините адвокати, Алек Болдвин бил „големиот шеф“ кој барал од сите да работат побрзо и ги игнорирал безбедносните проверки бидејќи филмот се снимал со ограничен буџет.

По завршувањето на судењето, Хана веднаш беше пренесена во затвор за да ја отслужи казната.

Се очекува дека ако Алек Болдвин биде осуден во јули, и тој ќе добие слична казна во траење од 18 месеци.

За потсетување, инцидентот се случи во октомври 2021-ва година кога Алек Болдвин на снимањето на филмот Rust ја застрела кинематографката Халина Хачинс (42), а го повреди и режисерот Џоел Суза кој преживеа и беше повикан како сведок во судот.

Б. С. Б. | Црнобело