Бен и Џеј Ло се пар за пример – Си го собираат ѓубрето во кино по завршувањето на филмот (видео)

Детали

среда, 06 март 2024

На видео споделено на Твитер се гледа како Бен Афлек и Џеј Ло си го собираат ѓубрето во кино во Лос Анџелес, по проекцијата на Dune: Part Two. Кога ќе се земе предвид дека многу луѓе оставаат вистински хаос зад нив во киносалите, славниот пар дефинитивно може да послужи како добар пример.

Бен Афлек и Џеј Ло се можеби најпознатиот пар од светот на шоу-бизнисот, но и покрај огромната слава и богатството, се чини дека актерот и пејачката се приземјени личности.

Веруваме дека и самите имате забележано дека кај нас, во многу ситуации луѓето ја покажуваат својата некултура, а ова е доста изразено во киносалите.

По проекцијата на некој филм, не е реткост да видиме истурени пуканки на подот и остатоци од грицките и пијачките на посетителите кои веројатно сметаат дека задачата на вработените во киното е да собираат по нив.

Во неделата (03.03), Бен Афлек и Џеј Ло одлучиле да го гледаат долгоочекуваното второто продолжение на Dune во кино во Лос Анџелес.

54-годишната пејачка и 51-годишниот актер биле во киното без придружба на обезбедување, а наводно присутните не ни забележале дека и тие се меѓу публиката.

На крајот, пак, сами си го собрале сето ѓубре.

Ова се гледа на видео споделено на Твитер, а во описот твитерџијата вели дека дури по крајот на филмот сфатил дека пред него седел познатиот пар.

На видеото, Бен и Џеј Ло се во лежерно издание и додека Џеј Ло ги зема пијалакот и пуканките, се гледа како Бен собира нешто од подот.

Иако ова е нешто што сметаме дека треба да го прави секој, од општа култура, факт е дека многумина не помислуваат на тоа.

Па, Бен и Џеј Ло, како познат и влијателен пар, навистина се добар пример.

Пред проекцијата на филмот, парот беше забележан како шета низ Лос Анџелес.

Спирова С. | Црнобело