Скандалите на семејството на Мајли Сајрус: Татко ѝ има 27 години помлада девојка

Детали

сабота, 02 март 2024

Мајката на Мајли, Тиш, е во брак со актерот Доминик Пурсел. Но, според некои извори, таа буквално ѝ го украла на нејзината помала ќерка, односно сестрата на Мајли…

Мајли Сајрус важи за една од поконтроверзните пејачки, но се чини дека во споредба со нејзиното семејство, таа е ангел.

Низ годините, пејачката беше критикувана за разголените изданија, недоличното однесување и провокативните настапи на концерти што ги посетуваа и малолетници.

Сепак, изгледа целото семејство на младата пејачка го следат скандали.

Родителите на Мајли – Били Реј и Тиш – беа во брак од 1993 до 2022 година. Заедно ја добија Мајли, како и нејзината сестра Ноа и брат ѝ Брајсон.

Тиш има две деца од претходен брак, а Били Реј ги посвоил кратко по венчавката.

Дел од скандалите на семејството Сајрус низ годините:

Мајли танцуваше на шипка на 17 години

Во 2009 година, Мајли Сајрус настапи на доделувањето на Teen Choice Awards со песната Party in the U.S.A.

Младата пејачка тогаш имаше само 17 години, но тоа не ја спречи во настапот да вметне танц на шипка.

Нормално, пејачката, но и нејзините родители се соочија со многу критики.

Во 2023-та, Мајли се огласи за контроверзниот настап обидувајќи се да се одбрани.

Таа изјави дека се држела за шипката бидејќи носела штикли и воопшто не танцувала на неа.

Бројните барања за развод на Били Реј и Тиш

Во 30-те години додека беа заедно, Били Реј и Тиш имаа бројни подеми и падови.

Притоа, и двајцата неколкупати поднесоа барање за развод, но секојпат успеваа да ги решат проблемите.

Сепак, во 2022-ра, Тиш поднесе барање за развод за последен пат и тогаш навистина се разделија.

„По 30 години, пет прекрасни деца и многу сеќавања, одлучивме да се разделиме – не со тага, туку со љубов во нашите срца.

Заедно пораснавме, изгледавме семејство на кое сме горди и сега е време да тргнеме по свои патишта“, изјави парот кога ја најави разделбата.

Бурната врска на Мајли и Лиам Хемсворт

Мајли и Лиам ја почнаа врската во 2010-та, откако заедно глумеа во филмот The Last Song.

Се верија во 2012-та, но следната година се разделија.

Сепак, во 2016-та открија дека повторно се заедно, а се венчаа две години подоцна.

Само осум месеци по венчавката, парот се раздели, а Мајли беше обвинета дека го изневерувала, а таа ги негираше гласините.

Продолжува на следната страница...