Познати жени кои биле жртви на семејно насилство (и отворено зборуваа за тоа)

Кристина Агилера

Како Шарлиз, и Кристина пораснала во семејство со насилен татко.

Поради ова, таа често гласно ги поддржува жените и мажите кои и самите се жртви.

„Ова е тема која многу ме погодува бидејќи отсекогаш сум била гласна и отворена за домашното насилство што го гледав кај мене дома, но и во соседните куќи.

Насилството беше константно кога бев мала. Ова е тема за којашто се молчи. Никој не сака да зборува за неа. Прави луѓето да се чувствуваат непријатно, па затоа и има многу срам.

Но токму затоа за мене е важно да го споделам моето искуство и да им помогнам на другите да најдат надеж во безнадежна ситуација“, изјави пејачката за Us Weekly.

Мараја Кери

Кога имаше 20-тина години, Мараја Кери беше во брак со Томи Мотола – моќен бизнисмен во музичката индустрија кој има и неколку свои продуцентски студија.

Тој е 20 години постар од пејачката и иако можеби не бил физички насилен, Мараја се соочувала со психолошка тортура.

Тие се разделија по четири години брак, а Мараја првпат прозборе за него две децении подоцна.

„Јас бев со партнер кој имаше огромна контрола врз мојот живот. Беше многу постар од мене, имаше многу моќ и пробуваше да ме изолира од сите луѓе.

Тогаш мислев дека никогаш нема да излезам од тој брак“.

Стејси Соломон

Британската водителка и ријалити ѕвезда неодамна откри дека во младоста била во насилна врска.

Кога се отвори за трауматичниот период, таа истакна колку лошо влијание имаат овие ситуации врз жртвите.

„Бев во насилна врска, а ваквите врски прават да заборавиш кој си. Чувствував дека никогаш повторно нема да бидам истата личност.

Без разлика што ќе правам, ќе бидам оваа чудна верзија од мене. Го презирам насилниот партнер што одзеде дел од мене“.

Спирова С. | Црнобело