Каков татко - таква ќерка: Канје Вест ги замени забите со титаниумска вилица, а Норт се пофали со скап накит во устата

Детали

четврток, 18 јануари 2024

Истиот ден кога Канје се пофали со нова вилица, поскапа од дијаманти, ќерка му покажа дека ставила скап накит на забите. Каков татко – таква ќерка...

Ќерката на Ким Кардашијан и Канје Вест, 10-годишната Норт се пофали дека има скап накит за заби во најновото видео што го објави на ТикТок, додека, пак, татко ѝ се пофали дека вложил 850.000 долари во новата вилица.

Норт се пофали дека има накит на долните предни заби и на два заба во горниот дел од вилицата, слично како што носеше мајка ѝ во минатото.

Истовремено, додека Норт се фалеше со своите нови аксесоари, татко ѝ Канје се пофали дека ги извадил сите заби и ги заменил со титаниумска вилица која чини 850.000 долари.

Наводно, титаниумската вилица е поскапа од дијаманти и Канје ја дизајнирал сам.

Тоа е првата вилица од ваков тип, а Канје посетил познати стоматолози во Лос Анџелес за да му ја вградат.

Инаку, ова не е првпат Канје да направи интервенции со забите. Во 2010-та година тој целата долна вилица ја замени со дијаманти и тврдеше дека целосно ги извадил сопствените заби, затоа што сметал дека е многу „покул“ да има скапоцени камења во устата.

Б. С. Б. | Црнобело