Ѝ платил на Клаудија Шифер да му глуми девојка, обвиненија за сексуално злоставување: Скандалите на Дејвид Коперфилд
- Детали
- петок, 19 јануари 2024
Со дијамантски прстен од 4,5 милиони долари ја запроси Клаудија Шифер, но никогаш не се венчаа. Има богатство од 800 милиони долари, а сака да направи Месечината да исчезне... Се сеќавате ли на најпознатиот светски магионичар Дејвид Коперфилд?
Дејвид Коперфилд е еден од најпознатите илузионисти на сите времиња, човекот кој своевремено со своите магионичарски трикови успеа да направи да исчезне Статуата на слободата, одеше низ Кинескиот ѕид, а неодамна најави и дека сака да направи да исчезне дури и Месечината.
Тој стана вистинска светска ѕвезда, а неговото богатство се проценува на околу 800 милиони долари.
Во 1990-те години, Коперфилд (67) беше на врвот на светската слава.
И иако последниве години живее повлечено, тој деновиве повторно се најде на насловните страници на светските медиуми, а неговото име се поврзува со педофилот Џефри Епстин, со кого наводно бил близок и на чии разврати забави, присуствувал и самиот.
Ова не е прв скандал со кој се врзува славниот илузионист, напротив, низ годините тој неколкупати беше вмешан во големи афери за кои се пишуваше со месеци, не само во американските, туку и во светските медиуми.
Што знаеме за Коперфилд?
Дејвид бил тинејџер кога решил да влезе во светот на магијата и илузијата и тоа со една цел - да се ослободи од срамежливоста што ја имал пред спротивниот пол.
А, тоа му успеало, бидејќи во ‘90-тите, кога беше на врвот на славата, жените секогаш беа во првите редови на неговите настапи, а тој го користеше своето име за да ги шармира и заведе.
Меѓу оние кои „паднаа“ на неговиот шарм, но и впечатлив физички изглед, беше супермоделот Клаудија Шифер.
Германската манекенка и магионичарот се запознаа на еден од неговите настапи. Седум месеци подоцна тој ја запроси со прстен од 4,5 милиони долари.
Сепак, парот никогаш не се венча, а откако раскинаа во јавноста се појавија тврдења дека нивната врска била добро осмислен маркетиншки трик, кој му „ја кренал цената“ на Коперфилд, но и дека тој ѝ платил на Шифер да му глуми девојка.
Продолжува на следната страница...
Би можело да ве интересира:
Препорачуваме
Најчитани неделава
