Тажни детали од животот на Еминем: Речиси умре од предозирање со дрога, мајка му го малтретирала

Детали

сабота, 09 декември 2023

Во дел од неговите песни, Еминем вели дека мајка му е виновна за неговата зависност од дрога која кулминира во 2007-ма, кога тој речиси го изгуби животот од предозирање. По разводот со бившата, пак, Еминем напиша песна во која вели дека фантазира како ја убива. Поради ова, таа пробала да изврши самоубиство…

Без разлика на вашата возраст, но и вашиот вкус за музика, сигурни сме дека знаете кој е Еминем.

Тој важи за еден од најдобрите рапери, а покрај талентот, се истакнуваше и со фактот дека тој е еден од ретките бели луѓе кои успеале во жанр каде што доминираат Афроамериканци.

Еминем има армија фанови до денес, но и покрај огромниот успех, доволно е да обрнете внимание на некои од неговите стихови за да сфатите дека имал мошне тежок живот.

Тажни детали од животот на Еминем:

Имал тешко детство

Бидејќи со мајка му често се селеле, се случувало Еминем да промени училиште и по трипати годишно

Поради ова, никогаш немал можност да се вклопи, па станал лесна мета на насилниците.

„Ме тепаа во тоалети, во ходници, ме буткаа во шкафчињата. Најголемиот дел од времето, само затоа што јас бев новото дете во училиштето“, изјави раперот во интервју.

Еден период, кога имал 9 години, насилството било толку сериозно, што мајка му го тужела училиштето бидејќи не успеало да му понуди заштита на Еминем.

Имено, раперот бил толку истепан, што го хоспитализирале.

Во песната Brain Damage, Еминем се присетува на нападот, па дури и го именува напаѓачот.

Доби тужба од мајка му

Во многу песни, Еминем отворено зборува за односот со мајка му и оди дотаму што тврди дека била зависна од лекарства, како и дека го малтретирала.

Поради ова, во 1999 година, таа го тужеше и бараше оштета од 10 милиони долари.

На крај, таа доби само 25.000 долари, а раперот продолжи да ја „оцрнува“ во неговите песни.

Еднаш дури и ја обвини дека таа е виновна за неговата зависност од дрога - наводно му подметнувала лекови во храната додека бил дете.

Пораснал без татко

Според мајката на Еминем, таа и раперот избегале од неговиот татко – Маршал Брус – кога тој имал само две години. Наводно, татко му бил насилен.

Еминем немал никаков контакт со татко му, но пробувал да му пишува писма. Мајка му има изјавено дека овие писма секогаш биле враќани назад без да бидат отворени.

Подоцна мајката на раперот изјави дека штом Еминем се прославил, татко му почнал да пробува да стапи во контакт со него.

Тој дури напиша и писмо до него објавено во британски таблоид, во коешто тврдеше дека мајка му му ја наполнила главата со лаги.

Но, раперот не му поверува и никогаш не го подобриле односот.

Денес татко му е починат.

Продолжува на следната страница...