Добива тантруми ако врвките на чевлите не му се испеглани - Каприциозните барања на кралот Чарлс

Детали

петок, 08 декември 2023

„Тој е крал, може да прави што сака“ – велат твитерџиите за најновите тврдења за тоа како кралот Чарлс се однесува кон вработените. Наводно кралот не сака сам да си истиснува паста за заби, а вработените мора да му измерат точни димензии кога му ја подготвуваат четката пред спиење.

Многупати досега јавноста имала можност да види дека кралот Чарлс има мошне непристоен однос кон вработените, доволно е само да се сетиме како се изнервира заради пенкалото што не пишуваше кога се обидуваше да се впише во книгата на жалост или кога ги туркаше предметите што не се ставени на масата според неговите барања.

Но, вистината е дека човекот кој застана на чело на британската монархија по смртта на кралицата Елизабета Втора е мошне каприциозен и има свои точно утврдени барања за тоа како неговите слуги треба да му ги извршуваат работите.

Во новата книга Endgame: Inside the Royal Family and the Monarchy’s Fight for Survival на британскиот новинар Омид Скуби се наведуваат голем број вакви очекувања што тој ги има од своите вработени, а кои за некои луѓе се сосема неразумни и смешни.

Така, кога британскиот крал ќе побара јајца за појадок, тој очекува тие да бидат меко сварени, односно да се вареле прецизно 4 минути, а во спротивно, гневно ќе ги врати повторно во кујната.

Кралот кога патува со себе носи перфектно испеглани чаршафи изработени од 1.000 конци и има „тантруми“ ако пижамите не му се испеглани.

Иако се знае дека тој на својата сметка има милијарди, кога станува збор за чевлите Чарлс има посебни барања.

Тој никогаш не ги фрла старите чевли и бара да се однесат кај кралскиот чевлар и да се поправат, а врвките од чевлите бара да му бидат испеглани секое утро.

Уште побизарна навика на кралот е таа што тој очекува слугите секоја вечер да истиснат точно 1,5cm паста на неговата четкичка за заби и таа да го чека подготвена пред легнување.

А, пастата за заби не се чува во туба, туку во посебен сребрен диспанзер на кој го има грбот на кралското семејство.

Инаку, ова не е првпат да бидат изнесени бизарните барања на кралот Чарлс. Батлерот на неговата поранешна сопруга, принцезата Дијана, во своите мемоари, нагласи дека водата за бањање на кралот морала да биде млака, кадата да биде полна до половина, а затворачот на кадата да биде свртен во точно утврдена насока.

Се знае дека кралот кога патува со себе носи посебно седиште за тоалети и хартија, а исто така со себе секогаш го носи и своето мече од детството.

Б. С. Б. | Црнобело