Викторија Бекам и ќерка ѝ бегаат од крвава тепачка во ресторан – Маж ги фотографирал гостите, па бил нападнат (видео)
- Детали
- среда, 16 август 2023
На видео се гледа како Викторија Бекам и ќерка ѝ Харпер брзо одат кон нивниот автомобил, откако во ресторанот во којшто биле избила крвава тепачка. На видеото се гледа и маж со раскрвавено лице кој наводно ги фотографирал познатите гости во ресторанот, вклучувајќи го и фудбалерот Лионел Меси, по што бил нападнат од обезбедувањето.
Минатата недела Викторија Бекам и ќерка ѝ Харпер беа во ресторан во Мајами, но го напуштија речиси со трчање бидејќи внатре избила тепачка.
Daily Mail сподели и видео на кое се гледа како Викторија и 12-годишната Харпер брзо одат кон нивниот автомобил, а во еден миг се гледа и маж со раскрвавено лице.
Во целиот хаос, Харпер и Викторија изгледаат вознемирено, но дизајнерката сепак им дофрла насмевка на луѓето кои ја снимаат и фотографираат, пред да влезе во автомобилот.
Во ресторанот бил и Лионел Меси, а тепачката почнала кога гостин во ресторанот пробал да го фотографира.
Обезбедувањето се разгневило поради ова, по што мажот бил избркан, па нападнат. Од ударот, на мажот му е раскрвавен носот, а се здобил и со модринки на лицето.
Сепак, Daily Mail пренесува дека мажот ги негира обвинувањата.
„Нè нападнаа, ме избркаа и ми удрија бокс во лицето. Само затоа што мојот син сакаше да се фотографира со неговата сопруга, не со Бекам или Меси. Ова беше семеен собир“, вели тој.
Наводно, мажот бил во ресторанот со семејството по повод 21-иот роденден на ќерка му.
За Page Six, од ресторанот изјавиле дека мажот сепак бил виновен:
„Пијан гостин постојано ги фотографираше другите гости и го замоливме да престане. Продолжи да фотографира, па мирно го изнесовме од ресторанот. Потоа гостинот агресивно проба да влезе во ресторанот, но беше спречен“.
Погледнете го видеото:
Следниот ден по инцидентот, Викторија сподели фотки од дружбата во ресторанот.
На едната фотка 49-годишната дизајнерка позира со сопругата на Лионел Меси, додека на втората фотка се гледа нејзиниот сопруг со фудбалската ѕвезда и син му.
Наводно, Викторија одбила да го коментира инцидентот.
Спирова С. | Црнобело
Би можело да ве интересира:
Препорачуваме
Најчитани неделава
