Стотици луѓе на погребот ги пееја нејзините песни во еден глас и аплаудираа - фановите ја испратија Шинед О' Конор (фото+видео)

Детали

среда, 09 август 2023

„Таа зборуваше за сите нас“ – со громогласен аплауз, низ песна и солзи Ирците масовно се простија од Шинед О’Конор, а посебна почит ѝ оддадоа преживеаните од згрижувачките домови и озлогласените магдаленски манастири, каде и Шинед била сместена како тинејџерка, а потоа гласно им се спротивстави.

Вчера во Ирска (08.08) се одржа погребот на познатата пејачка Шинед О’ Конор, а на социјалните мрежи се објавени повеќе видеа и фотографии од нацијата која беше собрана во толпа за да се прости од неа.

Пејачката беше најдена мртва на 26-ти јули годинава, а сѐ уште не се познати причините за нејзината смрт, но нејзините обожаватели во родната Ирска, вчера се собраа масовно за да ѝ оддадат почит.

Голем број обожаватели положија цвеќе пред нејзиниот поранешен дом во градот Бреј, а погребната поворка беше водена од комби Volkswagen Transporeter, од коe ечеше песната на Боб Марли, Natural Mystic.

https://twitter.com/emmamcm/status/1688877065301364737

Околу пладне, погребната поворка застана пред нејзиниот поранешен дом каде беа собрани нејзините обожаватели кои во еден глас и со солзи во очите ја испеаја нејзината песна Nothing Compares 2 U.

https://twitter.com/irishdaily_/status/1688949824475869192

Поворката беше испратена со громогласен аплауз, а видеото од тој миг масовно се прошири на социјалните мрежи.

https://twitter.com/AlisonMaryORE/status/1689170407931158529

Инаку, посебно внимание привлекоа и големиот број од жртвите на озлогласените магдаленски манастири, каде во период од 1922 до 1996-та година девојчињата биле принудувани на присилна работа, а вчера се појавија пред домот на Шинед за да се простат од неа и да ѝ изразат почит за сето она што таа го направи за сите нив.

„Таа зборуваше за нас“ – велат оние што пораснале во згрижувачки домови и манастири.

https://twitter.com/AlisonMaryORE/status/1688854164732813313

Шинед како девојче била сместена во таква институција за проблематични девојки ,па затоа на почетокот на својата кариера беше мошне гласна во борбата против католичката црква и водеше кампања за апсење на црковните свештеници педофили.

Жртвите се собраа пред нејзиниот дом и држеа транспарент на којшто пишуваше:

„Страдајте мали деца и навистина страдавме во вашите згрижувачки домови и сиропатилишта“.

Погледнете повеќе фотографии од погребот на Шинед на следната страница...