Некогаш Денис Родман ја остави по 9 дена брак, сега плаче неуредна пред домот – Каде е и што прави Кармен Електра?

Кармен Електра кариерата ја започна благодарение на Принц со кого беше во романтична врска на почетокот на 90-тите години во минатиот век.

Таа потпишала договор со неговата продуцентска куќа, по што започнала кратка музичка кариера и го променила името од Тара Ли Патрик во Кармен Електра.

Кармен откри дека со Принц раскинале затоа што тој сакал да останат да живеат во Минесота, но таа копнеела за живот во Лос Анџелес. Како што рече, се откажала од љубовта со него за да изгради кариера.

Во 90-тите се појавила во повеќе ТВ серии, а во 1996-та година за првпат позираше гола за Playboy.

Благодарение на разголените фотки, Кармен доби понуда да игра во повеќе серии, меѓу кои и во Baywatch (во периодот од 1997-ма до 1998-мата година).

Во 1998-ма година таа беше во врска со кошаркарот Денис Родман, кога нејзините мајка и сестра починаа во само неколку недели.

Таа и Денис Родман стапија во брак во ноември 1998-ма година во Лас Вегас, но нивниот брак траеше само 9 дена, а кошаркарот побара да биде поништен затоа што не бил при здрав разум кога одлучил да стапи во брак со неа.

На почетокот на 2000-тите беше во врска со музичарот Дејв Наваро со кого стапи во брак во 2003-та година, па заедно почнаа да го водат реалното шоу на MTV, Til Death Do Us Part: Carmen & Dave.

Сепак, не останаа заедно до крај, туку се разведоа во 2006-та година.

Во периодот на 2012-та година имаше гласини дека таа започнала афера со Сајмон Кауел, додека гостувала како судија во шоуто Britain’s Got Talent, но тие информации никогаш не беа потврдени.

Во последните неколку години нема информации за новите љубовни врски на пејачката, а таа живее повлечен живот сосема сама и без деца.

Б. С. Б. | Црнобело