Најомилениот пар во Холивуд! Блејк Лајвли му ги носи децата на Рајан Рејнолдс среде снимање - за да мине време со нив

Детали

четврток, 13 јули 2023

Блејк Лајвли и двете постари ќерки го посетија Рајан Рејнолдс на сетот на филмот Deadpool 3, а актерот уште една покажа дека е татко и сопруг за пример и најде време за нив среде снимањето. На сетот беше и неговиот добар пријател Хју Џекмен кој исто така им посвети внимание на ќерките на Рајан.

Периодов Рајан Рејнолдс го снима третото продолжение на филмскиот серијал Deadpool, но и покрај натрупаниот распоред, актерот секогаш успева да одвои време за семејството.

Моментално тој е во Англија каде што снима сцени со Хју Џекмен, кој ја репризира улогата на Вулверин.

На сетот, 46-годишниот актер беше посетен од сопругата Блејк Лајвли и двете постари ќерки.

Во февруари, Рајан и Блејк го добија четвртото дете, а само неколку месеци подоцна, актерката е во одлична форма.

На сетот таа се појави во лежерно издание со црни кожени панталони, бела кроп-топ маичка и долга бела кошула.

Рајан го носеше препознатливиот костим на Дедпул и најде време помеѓу снимањата за да биде со саканата и ќерките.

Хемијата помеѓу Рајан и Блејк е повеќе од очигледна на папарацо фотките – на една од нив тој ја прегрнува и ја бакнува на главата.

Потоа им посвети внимание на ќерките.

И Хју Џекмен, кој е добар пријател на актерот, одвои време за девојчињата.

Еден ден претходно, Рајан и Хју беа фотографирани на истиот сет додека снимаа возбудлива сцена со борење.

Хју Џекмен имаше изјавено дека завршил со улогата на Вулверин по филмот Logan од 2017-та, па со најавата дека ќе ја репризира улогата вистински ги израдува фановите на популарниот лик.

Прочитајте и: Какви родители се Рајан Рејнолдс и Блејк Лајвли - тој менува пелени со насмевка, децата ги кријат од новинари

Повеќе фотки од сетот на Deadpool 3:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело