„Со мажите бев за да добијам деца“ – порно актерката Џена Џејмисон се венча со жена, откако пред 8 месеци раскина со свршеникот

Детали

недела, 11 јуни 2023

„Децата ми беа главна мотивација за да бидам во брак со мажи, но конечно ја најдов вистинската личност“ – поранешната порно актерка Џена Џејмисон по големиот број пропаднати врски со мажи од кои доби 3 деца, стапи во брак со 9 години помлада жена. Таа минатата година беше целосно неподвижна, па мораше да научи повторно да оди.

Поранешната порно актерка Џена Џејмисон (49) откри дека на 23-ти мај во интимна церемонија се омажила за инфлуенсерката Џеси Лолес (40).

Двете жени стапија во брак во интимна церемонија во Лас Вегас, а Џена ги сподели фотографиите на Инстаграм и го смени своето презиме, па сега е позната како Џена Џејмисон Лолес.

„Ја најдов личноста со која отсекогаш требало да бидам. Постојано размислувам зошто бев во врски и стапував во брак со мажи и знам дека е себично и лошо, но мислам дека главна мотивација ми беа децата“ – изјави таа за магазинот People.

Џена откри дека се вљубила во Џеси додека ги гледала нејзините видеа на социјалните мрежи и така се запознале.

Тие почнале да се гледаат во јануари годинава, а Џеси ѝ предложила брак на Џена во март годинава.

„Иднината изгледа премногу светло и премногу сум возбудена да бидам во оваа авантура со Џеси“ – рече Џена.

Инаку, Џема до ноември минатата година беше во врска со Лиор Битон. Тие двајца беа свршени од 2015-та година, а во 2017-та година заедно ја добија ќерката Бател.

Кон крајот на минатата година Џена призна дека таа и Лиор минуваат низ проблеми во врската, а на Инстаграм објави фотографија со натпис:

„Сега сум на возраст во која единствената причина што ми е потребна за да ставам крај е ако знам дека заслужувам подобро“.

Многумина оваа објава ја протолкуваа како нејзин начин јавно да каже дека ставила крај на врската со Лиор.

Таа претходно се соочуваше со тешка здравствена состојба, а заради проблемите со мускулите 3 месеци беше целосно неподвижна и мораше повторно да научи да оди.

Освен ќерката Бател, Џена има уште две деца од бракот со Тито Ортиз. По разводот со него во 2013-та година, Тито доби целосно старателство над нивните два сина.

Прочитајте и Беше најпозната порно актерка, а денес е неподвижна и 9 години не ги видела своите деца – Факти за Џена Џејмисон

Б. С. Б. | Црнобело