Се пресмета со фотографот што ѝ го направи животот пекол, па ја бакна среде улица – Пике дава сѐ од себе да ја заштити Клара Чиа
- Детали
- четврток, 08 јуни 2023
„Ја штити како лав, ја чува како да е од кристал“ – коментираат твитерџиите откако Жерар Пике на суд се справи со папарацо фотографот што прв ги објави фотографиите на Клара Чиа и го откри нејзиниот идентитет во јавноста. Бакнежот по судењето се прошири на социјалните мрежи.
Животот на младата Клара Чиа преку ноќ се смени откако се дозна дека е во врска со познатиот фудбалер Жерар Пике.
Таа стана една од најомразените жени во светот кога се откри дека имала афера со Пике додека тој беше во врска со Шакира.
По веста дека Пике и Шакира се разделуваат, шпанските и светските медиуми долго време нагаѓаа која е девојката со која тој ја изневерил познатата пејачка.
Папарацо фотографот Џорди Мартин прв ги „улови“ заедно додека одеа на свадба и потоа Клара стана постојано прогонувана од фотографи.
Џорди беше упорен во тоа постојано прв да има нови фотографии од Клара и Пике, па постојано ги следеше насекаде, заради што девојката на фудбалерот одлучи да поднесе тужба и да побара судот да му даде на фотографот забрана за приближување.
Вчера (07.06) Пике и Клара Чиа се појавија на суд и извојуваа победа, откако на фотографот му беше забрането да ѝ се приближи на девојката на Пике и треба постојано да се држи на оддалеченост од 1.000 метри.
Насобраните луѓе пред судот во Барселона побрзаа да ги извадат мобилните телефони и да го снимаат моментот кога Пике и Клара Чиа излегоа од судот, а фотките на кои се гледа како тој страсно ја бакнува девојката среде улица станаа хит на Твитер.
„Тие постојано покажуваат колку се сакаат и си даваат поддршка еден на друг. Се гледа дека Жерар ја штити како лав, се грижи за неа како да е изработена од кристал и како таа да е неговото највредно богатство“ – стои во еден од твитовите.
https://twitter.com/ClaGerFans/status/1666574855133622273
Инаку, на својот Инстаграм профил фудбалерот објави уште една заедничка фотографија со девојката, со која покажа дека љубовта меѓу нив е силна и ништо не може да ѝ застане на патот.
Прочитајте и „Тверка среде улица, се гледа дека е под дејство на алкохол“ – Девојката на Пике „уловена“ во сосема поинакво издание (видео)
Б. С. Б. | Црнобело
Би можело да ве интересира:
Препорачуваме
Најчитани неделава
