Џон Сина (46) сака живот без деца: „Уживам и енергијата ја трошам на тоа да бидам најдобар сопруг“

Детали

недела, 21 мај 2023

„Навистина уживам во мојот живот. Благословен сум да правам и да видам работи, кои не сум можел ниту да ги сонувам“, вели Џон Сина, кој смета дека ќе биде добар татко, но дека сè уште нема доволно причини за тоа.

Џон Сина, познатиот борач кој стана актер, и неговата сопруга велат дека уживаат во бракот без деца и немаат причина да го менуваат нивниот пријатен животен стил.

Шеј Шариатзаде е негова втора сопруга и заедно се од октомври 2020. Парот се сретна на сетот на филмот Hot Ahead! и по само година и половина заедно стапија во брак, во тајност.

Две години подоцна тие организираа и официјална церемонија.

Кога станува збор за проширување на семејството, Џон не се брза. Тој во една пригода изјави дека неговата кариера тргнала по нагорна линија, дека е многу зафатен и ужива во моменталната ситуација.

„Навистина уживам во мојот живот. Благословен сум да правам и да видам работи, кои не сум можел ниту да ги сонувам, а верувајте ми сум имал убави соништа“, изјави тој.

Џон вели дека во сè во животот се вложува максимално, па така е и со улогата на сопруг. Вели дека да се биде одличен сопруг одзема многу енергија, па поради тоа нема време за деца.

„Навистина е тешко да го избалансираш времето и да функционираш правилно. Тешка работа е да ѝ бидам најдобриот можен сопруг на мојата сакана и да посветам време на сите луѓе кои ги сакам во животот“.

Џон смета дека ќе биде добар татко, но дека сè уште нема доволно причини за тоа.

„Јас мислам дека само затоа што сметате дека ќе бидете добар во нешто, не значи дека тоа е доволно добра причина за да го направите. Мора да имате страст за тоа“.

Сепак, Џон идејата да има деца не ја исклучува засекогаш.

Негов близок пријател за американските медиуми вели: „Многу долго време зборуваше дека не сака деца, но сега како оваа идеја да му станува малку поблиска.

Работите се поинакви поради Шеј. Со неа се чувствува помудар и поподготвен за одговорности“.

С. С. | Црнобело