Ким Кардашијан ја оставила ќерката Норт на улица, додека таа позира на Мет Гала – мета на критики по вирално видео

Детали

петок, 05 мај 2023

На вирално ТикТок видео се гледа како Норт чека на улица, додека Ким позира на црвениот тепих на Мет Галата. Додека некои ја критикуваат Ким и сметаат дека ќерка ѝ изгледа вознемирено, други истакнуваат дека Норт е опкружена со телохранители и сигурно не ѝ е ништо.

Ким Кардашијан се појави со една од највпечатливите комбинации на Мет Галата, но сега се соочи со критики поради нејзината ќерка Норт.

На вирално ТикТок видео се гледа како 9-годишната Норт стои надвор, додека Ким позира на црвениот тепих.

Иако Норт не е сама и околу неа има неколку телохранители, многумина сметаат дека изгледа исплашено.

„Ким ја остави Норт на улица“, пишува на видеото кое веќе има речиси два милиона прегледи.

@ardenwolf

♬ original sound - Arden Wolf

Во коментари, мислењето на јавноста е поделено.

Некои велат дека Ким мисли само на себе штом ја оставила ќерка си сама:

„Едвај чекам да слушнам што ќе каже татко ѝ“.

„Не е важно дали е позната или не, ова ми го крши срцето. Таа е само дете“.

„Сирота Норт“.

„Мајка на годината“.

„Видов друго видео од истиот настан, изгледаше нервозно поради толпата“.

Сепак, повеќето истакнуваат дека Норт е во друштво на телохранители и нејзината дадилка:

„Сите претерувате. Норт буквално само стои таму и ја чека мајка си со тимот“.

„Околу неа има пет телохранители“.

„Норт има 5 телохранители, а сигурно и снајперист на некој покрив. Ви ветувам дека е добра“.

„Целото тоа обезбедување нема да дозволи да ѝ се случи нешто“.

Подоцна беа споделени и други видеа од истиот миг и иако се гледа дека Норт сепак не е сама, девојчето изгледа по малку вознемирено.

https://www.tiktok.com/@nickikardashian/video/7229231689275280667

https://www.tiktok.com/@nickikardashian/video/7228601785802362139

На Мет Галата, за Vogue Ким откри дека Норт постојано била со неа додека се подготвувала за настанот. Истовремено, на Норт ѝ било многу смешно кога почнале да ѝ паѓаат бисерите.

Ким откри и дека Норт била во автомобилот додека таа и сестрите биле на црвениот тепих. Па, најверојатно видеото од ТикТок само покажува момент кога излегла на свеж воздух.

Претходно Ким го покажа и изненадувањето што ѝ го приредила Норт пред самата Мет Гала.

На Инстаграм Стори, Ким сподели неколку видеа од раскошна соба со кревети за масажа. На едниот ѕид има балони со натпис „Карл Лагерфелд Мет Гала“, а просторијата е украсена со бели рози и свеќи.

„Нели е слатко што Норт ме изненади вечерва, за и двете да се релаксираме пред Мет Галата?“ – пишува во описот на едно од видеата.

Спирова С. | Црнобело