Конјукција на најсјајните објекти на ноќното небо

На 26 март имавме прилика да видиме една многу убава глетка на небото. Имено, три најсјајни објекти на ноќното небо, а тоа се по ред Месечина, Венера...

...и Јупитер се поредија речиси во линија.

Ова и не се случува така често па вредеше да се потроши некоја минута и да се ужива во глетката. За оние кои го пропуштиле овој настан ќе имаат можност нешто слично да погледнат и денес кон запад веднаш по заоѓањето на Сонцето. Положбата на овие три небесни тела малку  ќе се измени, но глетка нема да биде ништо помалку убава.

За таа цел Скопско астрономско друштво планира да направи акција на плоштад за јавно набљудување каде ќе се набљудуваат Месечината и планетите. Набљудувањето од плоштадот се планира за 27ми март 2012 од 19-22h. Како повик да ни се придружите на плоштадот можете да ја видите фотографија што ја направил Мартин Димитриевски. На сликата се Месечината и Венера, кои се на само неколку степени оддалеченост и неколку ѕвезди од соѕвездието Бик.

Фотографија е направена со Canon Eos 5D со објектив од 800mm f/8 Со експозиција од 1s на ISO 3200. Сликано е со кратка експозиција за да не се појават трагите од ѕвездите.

Извор: astronomija.com.mk