Колку луѓе имаат стапнато на Месечината? (не се само двајца)

Покрај Нил Армстронг и Баз Олдрин, знаевте ли дека уште 10 астронаути имаат прошетано на Месечината?

Сите знаат кои се Нил Армстронг и Баз Олдрин – првите луѓе кои стапнале на Месечината.

Аполо 11 е една од најважните вселенски мисии и го поплочи патот за бројни други истражувања.

Но, дали знаете дека Армстронг и Олдрин не се единствените луѓе кои стапнале на нашиот природен сателит?

Вкупно 12 астронаути имаат слетано на Месечината, како дел од програмата Аполо.

Екипажот на мисиите Аполо го сочинувале по тројца астронаути, но еден секогаш останувал во леталото, додека двајца се спуштале на Месечината со приземјувач. 

Моментално, НАСА работи на програмата Артемида чија цел е човекот да се врати на Месечината.

Лансирањето на летало со екипаж кој ќе слета на Месечината засега е планирано за септември 2026-та.

Дотогаш, да се потсетиме на сите астронаути кои ја имале оваа можност:

Аполо 12

Само неколку месеци по успешната мисија на Аполо 11, во ноември 1969 година, уште двајца астронаути слетале на Месечината.

Тогаш, астронаутите Пит Конард и Алан Бин го посетиле и приземјувачот Surveyor 3 кој бил испратен на Месечината неколку години претходно.

Назад на Земјата тие донеле и неколку компоненти од приземјувачот за да се направат испитувања.

Аполо 14

Мисијата Аполо 13 била неуспешна и астронаутите речиси загинале.

Но затоа, пак, на 5-ти февруари 1971 година, астронаутите Алан Шепард и Едгар Мичел станале петтата и шестата личност кои прошетале на Месечината.

Прочитајте повеќе: Неколку дена во вселената со малку храна и вода – Неуспешната мисија до Месечината која можела да заврши трагично

Оваа мисија била од огромна важност бидејќи доколу се покажела како неуспешна, целата Аполо програма веројатно би била откажана.

Алан Шепард имал 47 години на денот на слетувањето и со тоа е најстарата личност која прошетала на Месечината.

Продолжува на следната страница...