„Мамо благодарам“ – новата песна на Елена Ристеска со хорот „Поточиња“, за сите мајки хероини (видео)

„Оваа песна ја посветувам на сите мајки, мајки во најубава смисла, мајки кои се нашето сонце, пожртвувани и храбри се планини да поместат за своите чеда, мајки кои и дење и ноќе бдеат над своите чеда“ – Елена Ристеска заедно со хорот на детскиот фестивал „Поточиња“ објави нова песна посветена на мајките.

Детскиот фестивал „Поточиња“ годинава го слави својот 20-ти роденден, а по тој повод, хорот објави нова песна во соработка со Елена Ристеска. 

Елена и хорот на „Поточиња“ заедно ја испеаја песната „Мамо благодарам“, а спотот за неа беше објавен вчеравечер (17.03) на YouTube каналот на фестивалот.

„Оваа песна ја посветувам на сите мајки, мајки во најубава смисла, мајки кои се нашето сонце, пожртвувани и храбри се планини да поместат за своите чеда, мајки кои и дење и ноќе бдеат над своите чеда, мајки на кои децата им се приоритет пред сопствениот живот, мајки кои животот го делат на пред и после раѓањето на нивните деца…

Таква мајка е мојата мајка Десанка и мојата сестра. Ве сакам со целото свое срце“ – напиша Елена на својот Инстаграм профил до песната.

Слушнете ја новата песна на Елена и „Поточиња“:

Б. С. Б. | Црнобело