Илма Карахмет од Х Фактор го најави првиот албум со нејзината најемотивна песна досега – слушнете ја „Гинем поносно“

Илма Карахмет, сега веќе девојката која јавноста ја памети по учеството во музичкото натпреварување Икс Фактор во кое победи нашиот Даниел Кајмакоски, пред крајот на оваа година на публиката ѝ ја носи својата најемотивна песна досега.

Илма избра оваа, за неа успешна година да ја заокружи и своите обожаватели да ги израдува со композиција за која многумина рекоа дека ќе биде нејзиниот најголем хит.

Темата со наслов „Гинем поносно“ е дело на авторот со кого Илма и досега најмногу соработуваше. Бане Опачиќ ја смета Илма за една од најперспективните пејачки, а освен на оваа тема автор е и на нејзините големи хитови „Неко није“ и „Нешто твоје“, додека аранжманот го потпишува Марио Пајиќ. Проверениот тим не треба да се менува, па и овој пат заедно ја создадоа магијата. Илма истакнува дека од почетокот знаела оти ова е песната со која сака да го најави својот прв албум на кој работи во изминатите три години.

„Горда сум на нашата досегашна соработка и навистина сум среќна што секој пат успеваме да ги поместиме границите што претходно сме си ги поставиле. Денес е многу тешко да се дојде до квалитетна и добра песна, но Бане е вистинската адреса за мене затоа што ни се поклопија енергиите. Сите ние кои се бавиме со оваа работа често доаѓаме во ситуација да се прашаме што да се сними и каква песна да се избере. Во секој случај, со оглед дека не трчам по трендови, сакам да го градам својот стил по кој многумина веќе ме препознаваат. Со „Гинем поносно“ го најавувам својот албум првенец и едвај чекам во 2023 да слушнете што ви подготвив“, вели Илма.

Пејачката која има само 22 годни е позната по моќниот вокал и извонредната емоција во интерпретацијата на своите песни, не само во регионот, туку и пошироко. Учествувала во две шоуа за таленти, во кои победувала, а од девојче со ангелски глас веќе стаса во преубава млада дама со моќен вокал.