„Животе брате, дај смилувај се“: ДНК ја посветија новата песна на двајца прерано починати пријатели (видео)

Со емотивните стихови „Небо мое, каде да се помолам, немам никој на кого да се обратам. Животе кажи ми да знам, зошто морам сам нови врати јас да отворам“, ДНК им оддадоа почит на починатиот бодибилдер Мирко Петровски и Марјан Михајловски - Маци, еден од предводниците на навивачката група на МЗТ Скопје.

Панчо и Андреј, познати како дуото „ДНК“, вчера (20.05) го промовираа спотот за својата нова песна „Животе брате“.

Оваа песна тие ја посветија на своите двајца пријатели кои починаа во 2024-та: бодибилдерот и фитнес тренер, Мирко Петровски, кој ненадејно почина на 47 години, и Марјан Михајловски - Маци, еден од предводниците на навивачката група на МЗТ Скопје, кој имаше 52 години.

Песната е авторско дело на Панчо, кој со двајцата мажи се дружеше и соработуваше долги години.

Оттаму емотивните стихови: „Небо мое, каде да се помолам, немам никој на кого да се обратам, дај ми совет на нозе пак да застанам. Животе кажи ми да знам, зошто морам сам нови врати јас да отворам“.

Во песната гостуваат и легендата на народната музика Наум Петрески и кралот на трубата Џамбо Агушев, со својот оркестар.

Песната од прво слушање буди многу емоции, а спотот за неполн ден има скоро 16.000 прегледи.

Се споделува и на социјалните мрежи со коментар дека ДНК, заедно со Лазар Цветкоски, кој е автор на музиката, направиле вистинско музичко ремек дело.

Слушнете ја „Животе брате“:

А. Ј. | Црнобело