„Кај што чука срцево, се вее знаме жолто црвено“ – Нова моќна песна на Лозано

Новата песна на Лозано буди емоции кај македонските патриоти, а стиховите уште веднаш ќе ви останат во глава и ќе си ги пеете со денови.

Влатко Лозаноски Лозано денес (01.10.2024) ја објави својата нова песна „Жолто црвено“, за која има и видео-запис.

Како главен симбол во песната и видеото се појавува зумбулот, цвет кој ја наговестува есента, ја храни душата, симболизира љубов и е метафора за убавина и надеж, како што напиша самиот Лозано во најавата за нумерата.

Но, во текстот ќе се пронајдат сите кои си ја сакаат татковината и стиховите ќе допрат длабоко до секој Македонец.

„Оваа туѓина на мир не ме остава,
во душа само празнина ми отвара,
а таму кај што чука срцево
се вее знаме жолто црвено“ – гласат дел од моќните стихови на песната. 

Текстот е на Магдалена Цветковска – Ена, а аранжманот на Лазар Цветковски. 

Погледнете го видео-записот за новата песна на Лозано:

М. М. | Црнобело