Ненадејно почина фитнес тренерот Мирко Петровски (47): „Сега си на некое поубаво место“
- Детали
- среда, 06 март 2024
Денес (06.03) на 47 години почина Мирко Петровски, наш фитнес тренер и шампион во бодибилдинг.
Мирко Петровски, кој важеше за еден од најдобрите во својата бранша почина ненадејно, а причината за смртта не е позната.
Пријателите со неверување се простуваат од него.
„Мирно небо тренеру. Еден беше. Рано, Мирче“, напиша Миа Костова.
„Сè уште сакам да мислам дека е само еден лош сон. Мирко мој, не требаше вака да нè оставиш. Знам дека имаше уште многу планови зацртани и многу работи недокажани.
Денес изгубив(ме) голем другар, голем спортист и татко. Тренеру мој, на поубаво место си, секако каде конечно ќе го најдеш твојот душевен мир.
Ќе те памтам како добар човек и лојален другар. Вечна ти слава Мирче мој“, напиша Панчо на Фејсбук.
„Ти беше причината поради која го засакав спортов и почнав да се напреварувам. Ти благодарам што беше мој ментор и пријател! Немам зборови со кои можам да ја искажам тагата…
Ќе ти смотам еден 'Голден Вирџинија' дека ти многу тапа ги моташе… Нека ти е светол патот тренеру“, напиша бодибилдерката Катерина Попева.
„Мирко бре зошто нѐ остави во шок и неверување??? Зошто?! Спремавме цела кампања, планиравме и спортски бренд заедно… 23 години се знаевме-23 години се почитувавме, си помагавме, вратите на твојот фитнес центар ми беа секогаш безусловно отворени, лојална ти бев исто толку години - не сакав да чујам за друг фитнес центар…
Ист знак и ист подзнак бевме во хороскоп, иста професионалност и амбиција… Ах..ме остави без зборови… Почивај во мир легендо! - напиша на Инстаграм, пејачката Елена Ристеска.
Мирко долги години имаше своја теретана, Project Fit, а беше и личен тренер, но и пријател на многу јавни личности кај нас.
И вработените од фитнес центарот се збогуваа од Петровски.
„Со големо жалење ве известуваме дека нашиот шампион, гуру и учител Мирко, прерано нè напушти. Вечна му слава!“
Почитувани, Со големо жалење Ве известуваме дека нашиот шампион, гуру и учител Мирко, прерано не напушти. Вечна му слава ! За денот на повторно отварање на Project Fit ќе Ве известиме дополнително !
Posted by Project Fit Skopje on Wednesday, March 6, 2024
Мирко Петровски од најрана возраст се занимаваше со бодибилдинг.
Зад себе ги остави сопругата Светлана и 9-годишниот син.
А. Ј. | Црнобело
Би можело да ве интересира:
Препорачуваме
Најчитани неделава
