5 книги кои треба да ги прочитате ова лето според Бил Гејтс

 Летото е одличен период за читање на книги. Без разлика дали сте во удобноста на вашиот дом, во вашата летна оаза или некаде на плажа, носењето на интересна книга е задолжително. 

И доколку не знаете што да одберете за ова лето, во продолжение погледнете 5 предлози од милијардерот Бил Гејтс:

„Leonardo da Vinci“ од Волтер Исаксон

Според Бил, оваа книга одлично го опишува генијалниот ум на да Винчи и сите аспекти кои го прават една од најинтересните фигури на денешницата. 

„Everything happens for a reason - and other lies I've loved“ од Кејт Боулер

Оваа книга Бил ја опишува како неверојатно интересен мемоар за надежта и прифаќањето на сопствената смртност.

„Lincoln in the Bardo“ од Џорџ Саундерс

„Ми се отворија нови погледи за начинот на кој Линколн бил уништен од тежината на тагата и одговорноста“ - вели Бил. Тој додава дека оваа книга е фасцинантна и дефинитивно дело кое ќе биде тема на разговор долго време.

„Origin story - A big history of everything“ од Дејвид Кристијан

Ако не сте ја прочитале „Големата Историја“ тогаш оваа книга е одличен вовед. А доколку сте ја прочитале, тогаш ќе ви биде одлично потсетување.

Како и да е оваа книга според Бил ќе ве остави со огромна почит спрема човештвото и нашето место во универзумот.

„Factfulness“ од Ханс Рослинг, Ола Рослинг и Ана Рослинг Ронлунд

Брилијантниот светски предавач, Ханс кој почина минатата година ви нуди неверојатен начин да ги разберете основните факти и вистини за светот - како животот станува поубав, и каде сè уште треба да се работи.

К. Д. | Црнобело