Кои книги треба да ги прочитате пред да излезе филмот во 2018-та?

Вечната дилема „Што преферирате повеќе – книгата или филмот“ повторно ќе биде во центарот на дебатите помеѓу книжевните и филмските фанатици и оваа година.

Многу нови, но и постари популарни наслови ќе ја добијат својата екранизирана верзија, а ние одбројуваме со нетрпение.

Кои книги треба да ги прочитате пред да излезе филмската верзија од истите? Има буквално нешто за сечиј вкус.

Еве што ќе читаме (и гледаме) годинава:

Forever my girl

Оригинален наслов на книгата: Forever My Girl - Heidi McLaughlin

 или Засекогаш моја девојка од Хејди МекЛохлин

За што се работи: Популарен кантри пејач се враќа во своето родно место и девојката која ја оставил зад себе, но сфаќа дека оставил многу повеќе отколку поранешната љубов.

Во главните улоги: Алекс Ро и Џесика Рот

Премиера: 19 јанури

12 Strong

Оригинален наслов на книгата: Horse Soldiers - Doug Stanton 

или Војници на коњи од Даг Стентон

За што се работи: Вистинска приказна за специјални полициски сили кои одат на мисија во Авганистан по терористичкиот напад на 11 септември и уривањето на кулите-близначки.

Во главните улоги: Крис Хемсворт, неговата сопруга Елса Патаки и Тревант Роудс

Премиера: 19 јануари

Fifty Shades Freed

Оригинален наслов на книгата: Fifty Shades Freed - EL James

или Педесет нијанси – ослободени од Е.Л. Џејмс

За што се работи: Последното продолжение од Трилогија „Педесет нијанси сиво“ го прикажува псоледното поглавје од приказната на Кристијан и Ана и соочувањата со најголемиот предизвик во нивната врска досега – бракот и потенцијалното потомство.

Во главните улоги: Џејми Дорнан и Дакота Џонсон

Премиера: 9 февруари

Annihilation

Оригинален наслов на книгата: Annihilation - Jeff Vandermeer

или Уништување од Џеф Вандермир

За што се работи: Биолог, во обид да дознае што го убило нејзиниот сопруг, заминува во истражувачка експедиција чија локација е мистериозна област каде што очигледно не важат стандардните закони на природата.

Во главните улоги: Натали Портман, Џина Родригез

Премиера: 23 февруари

The War With Grandpa

Оригинален наслов на книгата: The War With Grandpa - Robert Kimmel Smith

или Војната со дедо од Роберт Кимел Смит

За што се работи: Мало момче мора да се откаже од својата соба поради неговиот дедо, па тоа крои план и низ серија од несолени ѓеги се обидува да го натера да се исели од собата.

Во главните улоги: Роберт Де Ниро, Ума Турман и Кристофер Вокен

Премиера: 23 февруари

*Трејлерот сè уште не е објавен, но се очекува наскоро.

Red Sparrow

Оригинален наслов на книгата: Red Sparrow - Jason Matthews

или Црвениот врабец од Џејсон Метјуз

За што се работи: Откако нејзината кариера ќе заврши, руската прима балерина Доминика станува шпион со опасни способности и смртоносна мисија пред себе.

Во главните улоги: Џенифер Лоренс и Џоел Едгертон

Премиера: 2 март

Where'd You Go, Bernadette

Оригинален наслов на книгата: Where'd You Go, Bernadette - Maria Semple

или Каде отиде, Бернадет од Марија Семпл

За што се работи: Бернадет, ексцентрична и прилично нервозна мајка и сопруга одеднаш исчезнува, а нејзината 15-годишна ќерка Би почнува да ги истражува нејзините мејлови, поштата и разговорите кои таа ги водела во обид да ја пронајде мајка си.

Во главните улоги: Кејт Бланшет, Кристен Виг, Били Крудап

Премиера: 11 мај

*Трејлерот сè уште не е објавен, но се очекува наскоро.

Boy Erased

Оригинален наслов на книгата: Boy Erased - Garrard Conley

или Избришано момче од Џерард Конли

За што се работи: Синот на свештеник е принуден да учествува во специјална програма за хомосексуалци со поддршка од црквата со цел да го преобратат од погрешната патека.

Во главните улоги: Никол Кидман, Расел Кроу, Џоел Едгертон

Премиера: 28 септември

*Трејлерот сè уште не е објавен, но се очекува наскоро.

(О)Милена | Црнобело