Која книга треба да ја прочитате следна, според хороскопскиот знак?

Вага

Станува збор за луѓе кои ги привлекуваат приказните за магија, големи замоци и фантазија. Ги привлекуваат убави работи, но и убави приказни.

Тие сакаат книги што ќе им понудат бегство во некој друг, совршено отсликан поинаков свет, во кој ќе може целосно да се загубат.

Сигуени сме дека ќе им се допадне книгата: „Приказни од кафулето“ - Тошиказу Кавагучи

Во една затскриена уличка во Токио има кафуле кое повеќе од 100 години служи неповторливо кафе, а со тоа и едно неверојатно искуство – можност да се вратат во времето.

Најзначајно е дека треба да се вратиш во сегашноста пред да се излади кафето и дека не смееш да го менуваш минатото. Дали е разумно да се враќаш во времето ако не можеш да го промениш?

Скорпија

Важат за најнеразбраниот знак во Зодијакот и често се сметани за темни, окултистички ориентирани личности, но вистината е дека тие се длабоко емотивни луѓе, што сакаат четива кои максимално ја опишуваат длабочината на емоциите со кои се соочуваат ликовите во приказната.

Сигурно ќе им се допадне книгата: „Мачкино око“ – Маргарет Атвуд

Приказна за Илејн Рисли, контроверзна сликарка, која се враќа во Торонто, местото каде што го поминала детството.

Одеднаш живописните слики од минатото, ја враќаат на детството и на девојчето Корделија, која била предводник на 3 девојчиња кои кон неа се однесувале многу насилно, но и многу полезно.

Стрелец

Имаат силно чувстви за тоа што е правилно и што е погрешно. Важат за големи авантуристи и луѓе со голем број интереси, а им се допаѓаат книги во кои се зборува за славата, слободата и фасцинантни личности.

За нив одлични се биографските книги и приказни на славните и познатите.

Наш предлог е: „Бидете полезни“ – Арнолд Шварценегер

Биографија во која Шварценегер ги запознава читателите со неговите духовни алатки за духовно богат и осмислен живот.

Тој ја споделува својата приказна за да ни покаже како да ја создадеме посакуваната иднина.

Јарец

Како луѓе кои се постојано мотивирани да работат на себеси и да создаваат, тие сакаат да читаат книги кои ќе им дозволат да ги ослободат мислите и да се одморат.

Затоа им се допаѓаат лесни романи, во кои главниот протагонист самиот учи како да ја спознае сопствената моќ и да го постигне тоа што го посакува.

Предлог за читање: „Претскажано од ѕвездите“ – Ема Донахју

Медицинската сестра Џујлија Повер работи во неснабдена болница во центарот на градот во која родилките доживуваат страшен грип.

Тука доаѓаат две неприфатени личности – една докторка која ѝ бега на полицијата и една млада помошничка.

Ова е роман за наоѓањето на светлината на крајот на тунелот и за враќањето на надежта, тогаш кога мислите дека таа воопшто не постои.

Водолија

Важат за најуникатни луѓе во Зодијакот, кои не се задоволуваат со секојдневното. Затоа сакаат да читаат фантастични и научно-фантастични романи, или приказни со бунтовни ликови кои не прифаќаат да се придржуваат до нормите и до правилата.

Нивниот префинет вкус сигурно ќе биде задоволен со романот: „Човекот од високиот замок“ – Филип К. Дик

Култен роман на Филип К. Дик, којшто ни дава застрашувачки поглед на алтернативниот свет, во кој еден од сојузниците ја изгубил Втората светска војна.

Во оваа кошмарна дистопија, нацистите го заземаат Њујорк, Јапонците ја контролираат Калифорнија, а африканскиот континент практично не постои.

Риби

Слично како Раковите ова се сентиментални и емотивни луѓе, кои се постојано љубопитни и жедни за нови знаења.

Сакаат тажни приказни кои ќе ги натераат да се соочат со сопствените емоции и ќе ги натераат да почнат поинаку да го промислуваат животот.

Сигурно ќе им се допадне романот: „Хамнет“ – Меги О’ Ферел

Книга за бракот и семејството кои се опустошени од голема тага и загуба, но и портрет на едно тажно момче, чијшто живот останува заборавен, иако за неговото име случнал целиот свет.

Б. С. Б. | Црнобело