10 филмови кои со нетрпение чека(в)ме да ги изгледаме до крајот на 2022 година

Неколку продолженија, одличен наслов за Ноќта на вештерките и неколку оригинални приказни – до крајот на 2022-ра има едвај три месеци, но нè очекуваат многу возбудливи филмови.

2022-ра се покажа како мошне добра година за филмови.

Покрај филмовите со суперхерои и преработките на Дизни кои веќе се клише, се појавија многу адаптации и оригинални наслови кои навистина вреди да се изгледаат.

Кои се филмовите што со нетрпение ги чекаме до крајот на 2022-ра, а некои од нив веќе излегоа?

Blonde (23-ти септември)

Направен според книгата на Џојс Керол, Blonde е фикција инспирирана од животот на Мерилин Монро.

Од нејзиното детство, до светската слава и бројните врски, дејството на филмот изменува некои вистинити факти додека ја раскажува приказната на Мерилин Монро.

Во улога на позната актерка ја гледаме Ана де Армас која доби 14-минутна овација на Филмскиот фестивал во Венеција за изведбата.

Hocus Pocus 2 (30-ти септември)

Сестрите Сандерсон се враќаат во второто продолжение на култниот филм кој е идеален за Ноќта на вештерките.

Три девојки случајно ги враќаат сестрите-вештери во живот во градот Сејлем, па мора да најдат начин да ги запрат.

Најдобро е што Сара Џесика Паркер, Бет Мидлер и Кети Наџими ги репризираат улогите.

Black Adam (21-ви октомври)

Двејн Џонсон го глуми Black Adam – антагонист од стриповите на DC.

Тој бил заробен во гробница речиси 5.000 години, а откако ќе се ослободи, ќе проба да го поправи светот на свој начин.

The Menu (18-ти ноември)

Во оваа мрачна комедија, млад пар оди на далечен остров за да посети ексклузивен ресторан.

Ресторанот е во сопственост на познат готвач, а храната што им ја служи ја третира како модерна уметност.

Набрзо парот, но и останатите богати гости, остануваат шокирани од пристапот на готвачот.

Во главните улоги ќе ги видиме Ралф Фајнс, Ања Тејлор Џој и Николас Холт.

Pinocchio (9-ти декември)

Познатиот режисер Гилермо дел Торо направи помрачна верзија на детската бајка.

Филмот е адаптација на книгата на Карло Колоди и приказната ни е добро позната на сите, а режисерот користи stop-motion анимација која му дава посебна магија на филмот.

Продолжува на следната страница...