15 филмови кои вашите деца ќе ги обожаваат

Време е за филмска вечер со семејството, каде главниот збор го имаат малечките!

А, тие сакаат забавни, шарени бајковити филмчиња исполнети со магија. Придружете им се и со многу пуканки и чоколадо погледнете некој од следните 15 филмски предлози.

Вашите дечиња ќе ги обожуваат овие филмови:

Charlotte's Web (2006)

Работен според детската лектира „Пајажината на Климентина“, овој прекрасен детски филм го прикажува необичното пријателство помеѓу прасенцето Вилбур и пајакот Климентина. Вилбур е загрижен дека ќе заврши на трпезата со јаболко во устата, но Климентина има малку поинаков план кој ќе го спаси.

Charlie and the Chocolate Factory (2005)

Римејк на познатиот „Вили Вонка и фабриката за чоколади“ од 1971 година со Џин Вајлдер, темата е сосема иста: мало сиромашно момче освојува златен билет за влез во најголемата фабрика за чоколади, каде со 4 други среќни добитници го запознава чудниот сопственик.

The Chronicles of Narnia: The Lion, the Witch and the Wardrobe (2005)

Четири дечиња ќе допатуваат во чудесната земја Нарнија преку магичниот плакар. Заедно со Лавот кој ќе им биде водич, тие ја дознаваат целта поради која се тука – да ја ослободат земјата.

Mrs. Doubtfire (1993)

Постар, но одличен филм за целото семејство со Робин Вилијамс во главната улога. Откако неговата жена ќе побара развод и целосно старателство врз децата, таткото решава да се преправи во госпоѓата Даутфаер и да стане нивна дадилка, со цел да ги гледа секој ден.

The Never Ending Story (1984)

Мало момче кое е мета на секојдневни закачки од страна на другите деца ќе започне да чита мистериозна книга, која ќе го вовлече во светот на магијата, фантазијата и најубавата детска авантура.

Labyrinth (1986)

16-годишната Сара има точно 13 часа на располагање да го реши лавиринтот и да го спаси помалото братче кое е само бебе, а доколку не успее во мисијата, тој ќе заврши во рацете на Кралот на Гоблините.

Harry Potter аnd the Sorcerer's Stone (2001) 

Овој список на филмови едноставно не може да помине без серијалот за малиот волшебник Хари Потер. А, најдобро е да започнете од самиот почеток, откивањето на моќите кои ги поседува Хари и неговото пристигнување во училиштето за волшебници, Хогвардс.

Уште 8 предлози на следната страна...