Филмски викенд: Криминалистички Акции
За овој убав сончев викенд ви спремивме три лесни акциони филмчиња што ќе ве забавуваат и насмеат. Лесни се за конзумирање и само можат да ви го подигнат расположението. Филмови со интересни приказни, врвни холивудски актери и одлични акцони сцени.
Уживајте во овој филмски викенд!
После подолго време на сцената се појавува Том Круз, кој разбирливо и во овој филм (кој патем сам си го продуцираше, читај плати) глуми слична улога како од неговите други филмови.
Филмов ме изненади со приказната, очекував многу поплитка приказна и непостоечка глума. Ако сме искрени има по некоја мана, ама општо е навистина одличен.
Акциона криминалистичка процедурана драма каде дејствието го носат еден опасен дечко и една згодна адвокатка. Тие пробуваат да откријат што се случило на местото на злосторот.
Дали обвинетитот навистина тоа го направил или некој пробува да го намести?
Режија: Christopher McQuarrie
Глума: Tom Cruise, Rosamund Pike, Richard Jenkins
Додека го гледав филмов не знаев дали гледав екранизација на едно старо време, или стрип сместен во 40тите години. Приказната е интересна, до некаде херојска, да не речам супер-херојска.
Дијалозите се фантастични, остар и двосмислен хумор, сместен низ фино склопени едноставно кратки реченици.
Се раскажува за група цајкани кои ќе пробаат да го отстранат најголемиот мафијаш во Лос Анџелес.
Тие не оперираат под закрилата на полицијата, туку дејствуаат организирано на своја рака како одмаздници. Супер филмче, на секој би му го препорачала.
Иако постерот и описот можеби звучат досадно, филмот е навистина одличен. Плус, Рајан Гослинг.
Режија: Ruben Fleischer
Глума: Sean Penn, Ryan Gosling, Emma Stone
Се раскажува за животот на Френк, кој е прилично не интересен, да не речам досаден. Единствена занимација му се повиците кон службата за поплаки каде на истата женско се жали дека му касни пензијата.
Тој е специјална категорија пензионери: RED (Retired Extremely Dangerous), или на нашки, пензиониран ама екстремно опасен.
Но, вистината е дека не му касни пензијата туку сака да разговара со неа. Кога некои луѓе од неговото минато ќе се вратат и ќе му го закомплицираат животот, тој мора да го собере својот стар тим и да се бори за себе.
Неговиот тим, кој се состои со врвни агенти и шпиуни, додуше сите пензионирани како него.
Супер интересен филм, кој покрај акција има доста комични елементи и ќе се смеете од се срце. Нема човек на кој не би му се допаднал филмов.
Режија: Robert Schwentke
Глума: Bruce Willis, Mary-Louise Parker, Morgan Freeman
И.Т. | Црнобело
Би можело да ве интересира:
Препорачуваме
Најчитани неделава
