Филмови кои со нетрпение ги очекуваме оваа есен/зима (V дел)

Оваа зима нè очекува богата селекција на филмови кои допрва треба да се појават на големото платно.

Стигнавме и до 5тиот последен дел на филмовите кои ги очекува премиера во месец декември:

41. The Hobbit: An Unexpected Journey

Тие се вратија! Во првиот од трите дела претходници на Господарот на прстените, Билбо Багинс (Мартин Фримен) и група џуџиња тргнаа кон Осамената Планина за да го вратат богатството кое од нив го украл змејот Смаг. Иан Меккелен, Енди Серкис, Хуго Вивинг, Кејт Бланшет, Илајџа Вуд и Орландо Блум ги репризираат нивните улоги од Господарот на прстените. Филмот излегува на 14ти декември.

42. Les Miserables

Oui! Мјузиклот од Бродвеј добива филмска верзија за големото платно со Ен Хатавеј, Хју Џекмен, Расел Кроу, Саша Барон Коен, Хелена Бонам Картер, Аманда Сејфрид и Еди Редмејн кои совршено ги изведуваат незаборавните песни од ова шоу. Не грижете се, не е на француски. Филмот излегува на 14ти декември.

43. Monsters Inc. 3D

Ако ви се допаѓаше Monsters Inc. кога прв пат беше објавен во 2001, тогаш ќе ви се допадне уште повеќе во 3-D. Филмот излегува на 19 декември.

44. Zero Dark Thirty

Режисерката- добитничка на Оскар за The Hurt Locker, Кетрин Бигелоу, се враќа на Блискиот Исток за оваа акциона драма која се однесува на потрагата по Осама Бин Ладен по 11ти септември. Ѕвездената актерска екипа е составена од Џесика Честејн, Крис Прат, Џоел Еџертон, Кајл Чендлер и многу други. Филмот излегува на 19ти декември.

45. The Impossible

Базирано на вистинска приказна, Јуан Мекгрегор и Наоми Вотс играат сопружници кои се на летување со нивните деца кога удри(или се случи) цунамито во 2004 година. Тие се борат да преживеат откако ќе бидат разделени за време на несреќата. Филмот излегува на 21ви декември.

46. Jack Reacher

Џек Ричер (Том Круз) е поранешен мајор во Американската воена полиција кој навлегува длабоко во еден случај за воен снајпериста кој убил 5 луѓе. Круз носи кожна јакна, вози Мустанг и ги покажува своите тонирани стомачни мускули додека го прави она што го прави најдобро - ги уништува (или тепа) лошите момци. Филмот е базиран на романите за Џек Ричер на Ли Чајлд. Филмот излегува на 21ви декември.

47. This Is 40

Ова е продолжение на Knocked Up! Овој пат комичниот режисер и писател Џад Апатоу навлегува во животите на Пит (Пол Руд) и Деби (Лесли Ман) додека поминуваат низ средновечната криза. Џејсон Сигал, Мелиса Мекарти, Меган Фокс, Крис О’Дауд и многу други се дел од актерската екипа. Филмот излегува на 21ви декември.

48. On The Road

Изгледа дека адаптацијата за на големото платно беше на бескрајно патување до кино- салите. Групата писатели The Beat Generation повторно се враќа во живот благодарение на Кристен Стјуарт, Гарет Хедланд и Сем Рајли. Ох, и веројатно сте слушнале дека ѕвездата од Twilight ги разголува градите во една жешка секс- сцена за која таа рече дека е “навистина горда”. Филмот излегува на 21ви декември.

49. The Guilt Trip

Еден пронаоѓач (Сет Роген) тргнува на патување заедно со неговата мајка (Барбара Стрејсенд) со намера да го продаде својот најнов изум. Се надеваме дека режисерката Ен Флечер може да не насмее заедно со Роген и Стрејсенд како што успеа со Рајан Рејнолдс и Сандра Булок во The Proposal. Филмот излегува на 25ти декември.

50. Parental Guidance

Детска игра! Били Кристал и Бет Мидлер имаат улога на двојка која се грижи за нивните три внучиња кога нивната мајка мора да замине по работа. Класичен фамилијарен Божиќен филм. Филмот излегува на 25ти декември.

Останатите може да ги погледнете тука.