Филмски викенд: Невообичаени херои

За овој викенд ви спремивме научно фантастични комедии со прилично страшни вонземјани (сите три филмови имаат одлични спрецијални ефекти за вонземјаните). А спроти нив, како преставници од нашата раса ги имаме најневообичаените херои што воопшто се појавиле на филмското платно.

Имаме тинејџери гангстери, просечни глупи американци или ирски пијаници на остров. Искрено тешко ми е да поверувам дека ако стварно има инвазија, баш овој тип на луѓе ќе го спасат светот, но ете во овие филмови тоа се случува.

И самиот факт дека не се борбени лица ги прави филмовите уште поинтересни. Се надевам дека ќе ви се допадне некој од понудените три предози.

Уживајте во овој филмски викенд!

Attack the Block (2011)

Тинејџерка банда во Лондон си го одбранува своето маало од вонземјанска инвазија. Модерна научно фантастична акција, со импровизирани бркотници, невообичаени главни глумци и брзи дијалози.

Покрај главната приказна можеме да видиме како живеат младите „надежни“ гангстери и како се живее во сиромашниот дел од Лондон.

Можеби ќе треба да го гледате со превод поради неразбирливиот гето лондонски сленг, но освен тоа филмот нема други мани.

Самиот факт дека го спремале истите продуценти на Shaun of the Dead ни е доволен показател дека филмот е одличен. Истовремено е и напнат и хумористичен. Дефинитивно вреди да му дадете шанса.

Режија: Joe Cornish
Глума:John Boyega, Jodie Whittaker, Alex Esmail

The Watch (2012)

Сите филмови со Бен Стилер се одлични, па и овој е еден од нив. Приказната е прилично едноставна. 

Во некој мирен град, лоциран на незначајна локација во Америка, слетуваат вонземјани и почнуваат да се случуваат грозноморни убиства и необјасниви работи.

Еван е просечен човек кој организира комшиска стража, како би ја зајакнал сигурноста во својот град.

Се разбира останатие тројца што ќе му се приклучат се тотално незаинтересирани за тоа, и ја користат групата само да избегаат од своите обврски и досадни животи.

Но, наеднаш ќе откријат дека вонземјани се дојдени во нивниот град и планираат инвазија на нашата планета.

Супер комична акција, со одлична актерска екипа и топло ви го препорачувам да го гледате со друштво.

Режија: Akiva Schaffer
Глума: Ben Stiller, Vince Vaughn, Jonah Hill

Grabbers (2012)

Еден заборавен остров во Ирска е нападнат од огромни вонземјани што ја цицаат крвта од луѓето и ги обезглавуваат. Личат како монстуозни суштества од морето и преживуваат само на водени површини.

Тие се страшни и непобедливи, но нашите херои откриваат што е нивната слаба страна. Алкохол! Вонземјаните се алегични на алкохолизирана крв.

Бидејки се приближува бура, а сите жители се заглавени на островот, се превземаат сите мерки на безбедност... на ирски начин. Сите се собираат во пабот и се пијанчат.

Ова е мојот најомилен предлог, и бидејки е прилично непознат неверувам дека ќе налетате на него случајно. Прекрасна оргинална приказна, со одличен хумор и супер глумци.

Мислам самиот факт дека главната премиса на филмот е „алкохолот ги решава сите проблеми“ е доволна причина да го гледате филмот.

Режија: Jon Wright
Глума: Richard Coyle, Ruth Bradley and Russell Tovey

И.Т. | Црнобело